«Orion» O‘zbekistondagi investitsiyaviy imkoniyatlarni o‘rganmoqda

Bugun 20:251 daqiqa

AQSH hukumati tomonidan qo‘llab-quvvatlanadigan yirik konsorsium mamlakatda muhim minerallar sohasiga sarmoya kiritishi mumkin.

«Orion» O‘zbekistondagi investitsiyaviy imkoniyatlarni o‘rganmoqda

AQSH hukumati qo‘llab-quvvatlaydigan «Orion Critical Mineral Consortium» O‘zbekiston va Qozog‘istonda strategik ahamiyatga ega minerallar sohasiga investitsiya kiritish imkoniyatlarini o‘rganmoqda.

«Reuters» agentligining xabar berishicha, konsorsium, shuningdek, Osiyoda yangi davlat-xususiy sheriklik loyihalarini yo‘lga qo‘yish bo‘yicha muzokaralar olib bormoqda.

Ma’lum qilinishicha, «Orion CMC» AQSH va Yaqin Sharqdan tashqari uchinchi yirik mintaqaviy investitsiya yo‘nalishini shakllantirishni rejalashtirgan.

Konsorsiumning rejasiga muvofiq, muhim minerallar sohasida umumiy qiymati 20 milliard dollarlik xalqaro loyihalar portfeli moliyalashtiriladi.

«Orion CMC» O‘zbekiston va Qozog‘istondan tashqari Indoneziya, Viyetnam, Filippin, Avstraliya hamda Afrika va Janubiy Amerikadagi bir qator mamlakatlarda ham investitsiya imkoniyatlarini o‘rganmoqda.

Xitoyga muqobil

«Orion CMC» o‘zini Xitoy investitsiya kompaniyalari va xomashyo savdosi bilan shug‘ullanuvchi treyderlarga muqobil mexanizm sifatida taqdim etmoqda. Konsorsium asosan o‘rta hajmdagi kon loyihalarini moliyalashtirishga e’tibor qaratadi.

Konsorsium hisob-kitoblariga ko‘ra, XXI asr o‘rtalariga kelib muhim minerallarga bo‘lgan jahon talabini qondirish uchun taxminan 2,4 trillion dollarlik investitsiya talab etiladi.

Teglar

Qozog‘iston investitsiya minerallar O‘zbekiston AQSH OrionCMC

Mavzuga oid

Kecha 23:20

Trillionlab foyda ko‘rayotgan banklar, Samarqand hokimiga yuborilgan ogohlantirish va mukofotlangan OAV xodimlari — 25-iyun dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Bugun 20:00

«O‘zbekistonning yopiq siyosati qo‘shnilarga foyda keltirmagan» — iqtisodchi Asqar Akayevga raddiya berdi

Mirkomil Xolboyev bir davlatning iqtisodiy izolyatsiyasi mintaqaning boshqa davlatlariga ustunlik bermasligini, aksincha, ularni ham kambag‘allashtirishini raqamlarni solishtirgan holda tushuntirib berdi.

Bugun 16:15

Talabalar yotoqxonasi paradoksi: bir qo‘l bilan qurilyapti, ikkinchi qo‘l bilan esa sotish avjida

Toshkentda ijara narxlari rekord darajada qimmatlashayotgan bir paytda, davlat talabalar yotoqxonalari uchun yuzlab milliard so‘m sarflamoqda. Ammo yotoqxona taqchilligi saqlanib qolmoqda, ayrim mavjud talabalar turar joylari esa ommaviy savdoga chiqarilmoqda.

Kecha 21:55

Trampning salomi Toshkentga yetkazildi: Prezident AQSH Savdo vakilini qabul qildi

Muzokaralarda savdo-iqtisodiy hamkorlikni kengaytirish, shuningdek, O‘zbekistonning Jahon savdo tashkilotiga a’zo bo‘lish jarayonini qo‘llab-quvvatlash masalalari muhokama qilingan.

Bugun 19:55

Davlat korxonalarining 80 foizdan ortig‘ini xususiylashtirish mumkin — XVJ

Xalqaro valuta jamg‘armasida O‘zbekistonda davlat korxonalarining iqtisodiyotdagi o‘rnini tahlil qildi. Jamg‘armaga ko‘ra, davlat ishtirokidagi korxonalarning 80 foizdan ortig‘ini xususiylashtirish mumkin. Aktivlar bo‘yicha davlat banklari ulushi xalqaro me’yorlardan qariyb uch baravar yuqori bo‘lib turibdi.

Kecha 21:18