Trampning salomi Toshkentga yetkazildi: Prezident AQSH Savdo vakilini qabul qildi

Bugun 21:551 daqiqa

Muzokaralarda savdo-iqtisodiy hamkorlikni kengaytirish, shuningdek, O‘zbekistonning Jahon savdo tashkilotiga a’zo bo‘lish jarayonini qo‘llab-quvvatlash masalalari muhokama qilingan.

Trampning salomi Toshkentga yetkazildi: Prezident AQSH Savdo vakilini qabul qildi

O‘zbekiston Respublikasi Prezidenti Shavkat Mirziyoyev 25-iyun kuni Amerika Qo‘shma Shtatlarining Savdo vakili Jeymison Grirni qabul qildi. Bu haqda prezident matbuot xizmati xabar berdi.

Uchrashuv avvalida Amerika rasmiysi davlat rahbariga AQSH prezidenti Donald Trampning samimiy salomi va ezgu tilaklarini yetkazgan.

Muzokaralarda O‘zbekiston va AQSH o‘rtasidagi strategik sheriklik munosabatlarini, ayniqsa, savdo-iqtisodiy hamkorlikni yanada kengaytirish masalalari ko‘rib chiqilgan.

Tomonlar keyingi yillarda ishbilarmonlik aloqalari faollashib, o‘zaro tovar ayirboshlash va investitsiyalar hajmi izchil o‘sib borayotganini ijobiy baholagan.

Uchrashuvda yaqinda Toshkent xalqaro investitsiya forumi doirasida Amerika kompaniyalari vakillari ishtirokida o‘tkazilgan davra suhbatining amaliy natijalari ham muhokama qilingan.

Shuningdek, O‘zbekistonning Jahon savdo tashkilotiga a’zo bo‘lishi doirasida hamkorlik qilish va ushbu jarayonlar kelgusida ham AQSH tomonidan qo‘llab-quvvatlanishiga alohida e’tibor qaratilgan.

Yangi loyihaviy tashabbuslarni aniqlash va ilgari surish uchun Amerika-O‘zbekiston ishbilarmonlik va investitsiya kengashi mexanizmidan samarali foydalanish muhimligi qayd etilgan.

Teglar

savdo investitsiya JST Mirziyoyev O‘zbekiston AQSH

Mavzuga oid

Kecha 18:45

Mirziyoyev To‘qayev bilan bo‘lajak uchrashuv rejasini ko‘rib chiqdi

Ikki davlat yetakchilari bo‘lajak ikki va ko‘p tomonlama tadbirlar rejasini ko‘rib chiqdi.

Kecha 21:00

SAT sertifikati bilan qo‘shimcha davlat grantiga qabul qilish shartlari belgilandi

Imtihonda 1200 ball va undan yuqori natija qayd etgan abituriyentlar uchun yangi imkoniyat yaratildi. Biroq grant taqsimotida muhim shartlar mavjud.

Kecha 20:06

O‘zbekistonda valutaga bo‘lgan talab 25 milliard dollardan oshdi

Yil boshidan beri valuta bozorida talab va taklif oshib, dollar kursi esa deyarli o‘zgarishsiz qoldi.

Bugun 21:18

Boysundagi avariya qachon to‘liq bartaraf etiladi?

«O‘zbekneftgaz» rahbari Boysundagi texnogen avariyani bartaraf etish muddatini ma’lum qildi. Loyihada Xitoy kompaniyasi ishtirok etadi.

Kecha 19:34

Qirg‘izistonning sobiq prezidenti amaldagi prezidentga 8-10 yillik qo‘shimcha vakolat berishni taklif qildi

Qirg‘izistonning birinchi prezidenti Asqar Akayev Issiqko‘l xalqaro forumidagi chiqishida amaldagi prezident Sadir Japarovga iqtisodiy islohotlarni davom ettirish uchun qo‘shimcha vakolat berish zarurligini ta’kidladi. Uning fikricha, bunday natijalarga erishish uchun uzoq muddatli siyosiy barqarorlik talab etiladi.

Kecha 23:21

Kredit restrukturizatsiyasi nima va uni qanday hollarda talab qilish mumkin?

Moliyaviy qiyinchilikka uchragan qarzdor bankdan kredit muddatini uzaytirish, foiz stavkasini qayta ko‘rib chiqish yoki jarima va penyalarni kamaytirishni so‘rashi mumkin. Bank bunday arizani qabul qilish, o‘zining ochiq mezonlari asosida ko‘rib chiqish va rad etsa, qarorini asoslantirishga majbur. Biroq murojaatning o‘zi qarzdorga avtomatik ravishda imtiyoz berilishini anglatmaydi.