AQSH Davlat kotibi USAIDning xorijdagi xodimlarini ishdan bo‘shatishni buyurdi

12.06.2025 | 13:3032712

Marko Rubio 30 sentyabrgacha barcha xodimlarning ishdan bo‘shatilishini talab qilmoqda.

AQSH Davlat kotibi USAIDning xorijdagi xodimlarini ishdan bo‘shatishni buyurdi

AQSH Davlat kotibi Marko Rubio USAID – AQSH Xalqaro taraqqiyot agentligining xorijdagi barcha xodimlarini ishdan bo‘shatish bo‘yicha rasmiy ko‘rsatma berdi. Bu haqda ABC News manbasi ma’lum qildi. Rubioning topshirig‘iga ko‘ra, AQSHning dunyo bo‘ylab faoliyat yuritayotgan elchixonalari 30 sentyabrga qadar agentlikning qolgan barcha xodimlarini ishdan bo‘shatish jarayonini yakunlashi kerak. Shu orqali USAIDning tashqi yordam dasturlari Davlat departamenti zimmasiga o‘tadi. Ayni paytda, federal sudya prezident Donald Trampning ommaviy ishdan bo‘shatish haqidagi farmonini vaqtincha to‘xtatib turdi. Da’vogarlar fikricha, Rubioning agentlikni qayta tashkil etish rejasi ushbu sud qarorini inkor etishga teng. USAIDni tugatish va uning 10 mingdan ortiq xodim va pudratchilarini ishdan bo‘shatish Tramp ma’muriyatining hukumat tizimini optimallashtirish yo‘lidagi eng keskin qadamlaridan biri bo‘lmoqda. Bu jarayon AQSHning xalqaro yordam siyosatida jiddiy o‘zgarishlar yuz berishini anglatishi mumkin.

Teglar

AQSH Tramp Marko Rubio USAID Davlat departamenti

Mavzuga oid

30.10.2025 | 18:20

Riodagi politsiya reydida 130 dan ortiq kishi halok bo‘ldi

Braziliyaning Rio-de-Janeyro shahrida «narko-terroristlar»ga qarshi o‘tkazilgan politsiya amaliyoti fojiaga aylandi — qurbonlar soni 132 nafarga yetdi, ular orasida begunoh fuqarolar ham borligi aytilmoqda.

01.11.2025 | 11:25

Rossiya Davlat dumasi Telegram va WhatsApp’da ro‘yxatdan o‘tishni bloklashni ma’qulladi

Duma qo‘mitasi Telegram va WhatsApp’da SMS orqali ro‘yxatdan o‘tishni taqiqlashni «zamon talabi» deb atadi. Deputatlar bu chora davlat messenjeri Max’ning rivojiga xizmat qilishini ta’kidladi.

01.11.2025 | 19:25

«Melissa» dovuli 50 mlrd dollarlik iqtisodiy zarar keltirdi

Karib dengizi havzasidagi «Melissa» dovuli Yamayka va Kubani vayron qildi. 185 milya/soat tezlikda harakatlangan tabiiy ofat oqibatida kamida 50 kishi halok bo‘lgan.

Bugun 10:55

Ukrainada asir tushgan shimoliy koreyaliklar Seuldan panoh so‘radi

Rossiya safida Ukrainaga qarshi jang qilgan ikki shimoliy koreyalik askar asirga tushgach, ularni Janubiy Koreyaga topshirishni iltimos qilgan. Ular o‘z vataniga qaytishdan qo‘rqmoqda.

01.11.2025 | 09:30

Rossiya generallari Putinga va’da qilingan front qulashini amalga oshira olmadi

Generallar Vladimir Putinga Ukraina fronti kuzga borib yemirilishini va’da qilgan, ammo noyabr kirib kelgan ekan, Moskva hech qanday sezilarli natijaga erishgani yo‘q.

01.11.2025 | 10:55

M chechak virusining yangi 1b varianti Afrikadan tashqariga tarqaldi — JSST

Jahon sog‘liqni saqlash tashkiloti ma’lumoticha, M chechak virusining xavfli 1b shtammi Italiya, Malayziya, Niderlandiya, Portugaliya, Ispaniya va AQSHda aniqlangan.