Fors ko‘rfazi falaj bo‘ldi

S&P Global ma’lumotlariga ko‘ra, kema tashish kompaniyalari bo‘g‘oz orqali tranzitni faqat kunduzgi soatlar bilan cheklagan — endilikda kemalar odatdagi 24 soatlik harakat o‘rniga faqat 16–18 soat oralig‘ida suzib o‘tishi mumkin. Tanker kompaniyalaridan birining vakili muammolar faqatgina hujum tahdidlari bilan cheklanib qolmayotganini ta’kidlagan. Mintaqadan yuklarni olib chiqish logistikasining o‘zi ulkan muammoga aylangan. Bundan tashqari, GPS signallariga to‘sqinlik sabab kemalar bilan aloqa tobora yo‘qolib borayotganini xabar qilinmoqda. Kemachilik kompaniyasi direktorlaridan biri hatto kemalarga hujumlar bo‘lmagan taqdirda ham to‘qnashuvlar ehtimoli juda yuqori ekanligini ta’kidlagan, chunki bunday sharoitda boshqa kemalarning aniq joylashuvini aniqlash imkonsiz.