Istanbulda JXP faoliyati to‘xtashiga qarshi namoyishlar boshlandi

8 sentyabr kuni Istanbulda ommaviy norozilik namoyishlari boshlandi. Hurriyet nashrining yozishicha, ular Turkiyadagi oppozitsion kuch — Jumhuriyat xalq partiyasi (JXP) faoliyati vaqtincha to‘xtatilib, partiyaga tashqi boshqaruv tayinlanganiga qarshi o‘tkazilmoqda. Namoyishni JXPning yoshlar bo‘limi tashkil etib, soat 23:00 da partiyaning Istanbuldagi markaziy binosi oldida yig‘ilish o‘tkazdi. Ular partiyaning mahalliy rahbari O‘zgur Chelikning sud qarori bilan vazifasidan chetlatilishiga e’tiroz bildirdi. Sud qaroriga asosan, Chelik o‘rniga vaqtincha boshqaruvchi kengash tayinlangan. Turkiya adliya vaziri Yilmaz Tunch ma’lum qilishicha, prokuratura NRP binosi oldidagi voqealar va ijtimoiy tarmoqlarda tarqalgan «provokatsion» chiqishlar yuzasidan tergov boshlagan. Sud qarori 2023 yil oktyabrida o‘tgan viloyat partiya anjumanida delegatlarni «sotib olish» aybloviga asoslangan. JXP parlamentdagi 600 o‘rindan 137 tasiga ega va mamlakatdagi eng yirik muxolifat partiya hisoblanadi. 7 sentyabr kuni partiya rahbari O‘zgur O‘zal hech qanday yangi partiya tuzish niyati yo‘qligini bildirib, sud qaroriga qator savollar qo‘ydi. Avvalroq sud O‘zgur Chelikning o‘rniga partiya a’zosi Gursal Tekin boshchiligida vaqtincha ma’muriyat tayinlagan edi. Bundan so‘ng JXP ichidagi siyosiy ziddiyatlar yanada kuchayishi kutilmoqda.