Низомий университетининг Тошкентдаги асосий кампуси сотувга қўйилди

Kecha 11:411 daqiqa

Чилонзор туманида жойлашган 5,6 гектарлик ҳудуднинг бошланғич нархи 886,6 миллиард сўм этиб белгиланди. Университет эса Янги Тошкентда қурилаётган янги кампусга кўчирилади.

Низомий университетининг Тошкентдаги асосий кампуси сотувга қўйилди

Давлат активларини бошқариш агентлиги Тошкент шаҳрининг Чилонзор туманида жойлашган Низомий номидаги Миллий педагогика университетининг асосий кампусини хусусийлаштириш учун аукционга чиқарди.

E-auksion платформасида жойлаштирилган маълумотларга кўра, объект Бунёдкор шоҳкўчаси ва Кичик ҳалқа автомобиль йўли кесишмасида, «Чилонзор» метро бекати яқинида жойлашган.

Лот таркибига умумий майдони 5,64 гектар бўлган ер участкаси ҳамда 25,8 минг квадрат метр майдонни эгаллаган тўрт қаватли ўқув биноси, спорт зали ва бошқа ёрдамчи иншоотлар киритилган. Объект сув, электр энергияси, газ ва канализация тармоқлари билан таъминланган.

Активнинг бошланғич баҳоси 886,6 млрд сўм этиб белгиланган. Аукцион савдолари 20 июль куни соат 10:00 да ўтказилиши режалаштирилган.

Мазкур объект 2025 йил баҳорида қабул қилинган хусусийлаштириш дастури доирасида сотувга чиқарилмоқда. Айни вақтда Низомий номидаги Миллий педагогика университети Янги Тошкентда барпо этилаётган янги кампусга кўчишга тайёргарлик кўрмоқда.

Teglar

Янги Тошкент кампус E-auksion Давлат активлари агентлиги аукцион хусусийлаштириш Низомий университети Тошкент

Mavzuga oid

20.06.2026 | 15:00

43,1 млрд доллар: Тошкент халқаро инвестиция форуми рекорд натижа кўрсатди

Тошкентда ўтказилган бу йилги форумда 43,1 млрд долларга тенг 166 та инвестиция битими расмийлаштирилди. 2025 йилги форумда 30,5 млрд долларлик келишувларга эришилганди.

20.06.2026 | 11:15

Шавкат Умурзоқов: Тошкент икки йилда энг хавфсиз шаҳар бўлади

Пойтахт ҳокимига кўра, Олмазор, Учтепа ва Чилонзор туманларида сўнгги йилларда жиноятчилик кескин камайган ва пойтахт яқин бир-икки йил ичида «Энг хавфсиз ва энг рақамлашган шаҳар»га айланади.

20.06.2026 | 12:58

Тошкентда фирибгарлик йўли билан 1,7 млрд сўмни ўзлаштирган шахс қўлга олинди

Ўзини прокуратура ходими деб таништирган шахс фуқароларнинг ишончига кириб, 1,7 млрд сўм, 95 минг доллар ва қимматбаҳо мол-мулкларни ўзлаштиришда гумонланмоқда.

Kecha 15:55

Туркия Руминияга биринчи марта ҳарбий кема экспорт қилди

223 млн еврога баҳоланаётган келишув доирасида Туркия Руминия флотига Hisar синфидаги ҳарбий кемани топширди. Кема Қора денгиздаги хавфсизликни таъминлашда қўлланилади.

Kecha 13:50

Тошкентда гуманоид роботлар ишлаб чиқарадиган завод қурилиши бошланди

Жанубий Кореянинг Robotis компанияси иштирокида амалга оширилаётган лойиҳага 70 млн доллар инвестиция киритилиши режалаштирилган. Корхона 2 мингдан ортиқ иш ўрни яратиши кутилмоқда.

20.06.2026 | 18:42