Putin nimalardan qo‘rqadi: uning eng katta fobiyalari sanab o‘tildi

«Mojem ob’yasnit» tahlil dasturiga ko‘ra, Putinning fobiyalari ilk prezidentlik muddatidanoq boshlangan va 2025 yilga kelib ular batamom nazoratdan chiqqan. Prezidentning eng katta qo‘rquvi — bu o‘lim. Uning shaxsiy samolyotida (RA-96024) juda ko‘p hollarda transponderlar o‘chirilgan holda harakatlanish kuzatilgan. Masalan, 2024 yil 6 dekabrda u Moskvadan uchib chiqib, Belarus osmonida yo‘qolib qolgan va keyin paydo bo‘lgan. Putin o‘z boshlagan urushdan ham qo‘rqadi. U jang maydonlariga 100 kilometrdan yaqinlashmagan, Zelenskiy esa Baxmut va Avdeyevkada shaxsan bo‘lgan. Undan farqli ravishda, Putin Kursk oblasti «ozod qilinganidan» keyin kamuflyaj kiyib, piarchilar tomonidan dronlar orasida uchgan vertolyot haqida fantastik hikoya tuzilgan. Uning yana bir fobiyasi — keksalik. Putin yashash muddatini uzaytirishni davlat siyosati darajasiga chiqargan. U shaman vannalari, milliardlab investitsiyalar, shaxsiy onkolog va rezidensiyalardagi dezinfeksion tunnellar bilan o‘rab olingan. COVID-19 boshlanganidan beri esa u sanitar bunkerda yolg‘iz yashashni odat qildi. Prezident, shuningdek, javobgarlikdan ham qochadi. 25 yillik hukmronlik davrida u har qanday krizisga bir xil yo‘l bilan javob bergan: yo‘qolib qolish. Xersondan chekinishmi, Kurskdagi hodisami yoki terror akti — u xalqning oldiga chiqib javob berish o‘rniga ko‘zdan g‘oyib bo‘ladi. Oxirgi va eng yirik qo‘rquvlaridan biri — xalq. 2000 yilda «Kursk» so‘zidan keyin Putin halok bo‘lganlarning rafiqalarni haqorat qilgan edi. Shundan beri oddiy odamlarga nisbatan nafrat va u bilan birga qo‘rquv ham o‘sib borgan. Natijada, uning atrofini «aktyorlar» — go‘yoki baliqchi yoki oddiy ishchi qiyofasidagi FSB xodimlari o‘rab turadi.