Rossiyada 2026 yildan boshlab muddatli to‘lov bozorida qat’iy nazorat o‘rnatiladi

Rossiya Davlat Dumasi 22 iyul kuni Markaziy bank tashabbusi bilan tayyorlangan qonunlarni qabul qildi. Unga ko‘ra, endi sotuvchilar va ular bilan xaridorlar o‘rtasida vositachilik qiluvchi muddatli to‘lov operatorlari tovar narxini sun’iy usulda ikki xil ko‘rsatib, foizni yashira olmaydi. Ya’ni bir xil mahsulotni naqd pul va bo‘lib to‘lashda turli narxda taklif qilish taqiqlanadi. Agar shaxsning rassrochka bo‘yicha majburiyatlari 50 ming rubldan oshsa, bu ma’lumot uning kredit tarixida aks etadi. Bu chora qarz beruvchilarga xaridorning umumiy qarz yukini yaxshiroq baholash imkonini beradi. Shuningdek, bu moliyaviy qiyin ahvoldagi fuqarolarni ehtimoliy bankrotlikdan himoya qilishni ko‘zlaydi. Yangi tartiblarga ko‘ra, agar mijoz to‘lovni kechiktirsa, undan faqat 20 foizdan oshmaydigan penya talab qilish mumkin. Xaridor istalgan vaqtda qarzini qisman yoki to‘liq oldindan yopishi mumkin va bunday holatlarda undan hech qanday qo‘shimcha to‘lovlar undirilmaydi. Qonunga muvofiq, foizsiz bo‘lib to‘lash shartlari 2026 yildan boshlab kamida 6 oy, 2028 yildan esa faqat 4 oy bilan cheklanadi. Bu mamlakatdagi ayrim marketpleyslarda foizsiz deb taqdim etilayotgan, ammo aslida 88,5 foizgacha yetadigan real soliqli shartnomalarga qarshi qaratilgan.