Тошкент вилоятида авиаҳалокат бўйича симуляцион машғулотлар бўлиб ўтди

Bugun 20:271 daqiqa

Сценарийга кўра, Истанбул–Тошкент йўналишида парвоз қилаётган йўловчи самолёти Тошкентга қўнишга яқинлашган вақтда алоқа узилиб, авиаҳалокат юз берди. Йўловчилар эвакуация қилинди, жабрланганларга биринчи тиббий ёрдам кўрсатилди ва улар шифохоналарга етказилди.

Тошкент вилоятида авиаҳалокат бўйича симуляцион машғулотлар бўлиб ўтди

7-август куни Тошкент халқаро аэропорти ташаббуси билан Ўрта Чирчиқ туманида парвозларни қидирув-қутқарув фаолиятини қўллаб-қувватлаш бўйича идоралараро комплекс ўқув машғулоти ташкил этилди. Бу ҳақда аэропорт матбуот хизмати хабар берди.

Машғулот сценарийсига кўра, Истанбул–Тошкент йўналишида парвоз қилаётган йўловчи самолёти Тошкентга қўнишга яқинлашган вақтда алоқа узилиб, авиаҳалокат юз бергани симуляция қилинди. Шундан сўнг самолётни қидириш, қутқарув ишларини ташкил этиш ва фавқулодда вазият оқибатларини бартараф этиш бўйича амалий ҳаракатлар бажарилди. Унга 250 га яқин мутахассис ва 25 та махсус техника жалб этилди.

Фавқулодда вазиятлар, Мудофаа, Соғлиқни сақлаш, Ички ишлар вазирликлари, Миллий гвардия ҳамда Тошкент халқаро аэропорти мутахассислари ҳамкорлигида ёнғинни ўчириш, йўловчиларни эвакуация қилиш, жабрланганларни ҳолатига қараб саралаш, биринчи тиббий ёрдам кўрсатиш ва шифохоналарга етказиш, самолёт бортидаги хавфли юкни хавфсиз ҳудудга олиб чиқиш бўйича амалий машқлар бажарилди.

Қайд этилишича, бундан кўзланган асосий мақсад — авиаҳалокат содир бўлган тақдирда қатор вазирлик ва идоралар, Тошкент аэропортининг бўлинмалари ўртасида ўзаро ҳамкорликда ҳаракатланишни таъминлаш, авиаҳалокат оқибатларини бартараф этиш бўйича зарур чора-тадбирлар кўриш ҳамда ходимларнинг фавқулодда вазиятларга тайёргарлигини оширишдан иборат.

Эслатиб ўтамиз, аввалроқ Мексикада самолёт қулаб тушиши оқибатида камида 7 киши ҳалок бўлганди.

Teglar

аэропорт авиаҳалокат ФВВ фавқулодда вазият авиация Тошкент машғулот қидирув-қутқарув

Mavzuga oid

Bugun 18:34

Ўзбекистон Қозоғистондан чорва учун ўн минглаб гектар ер сўради

Ҳайвонларни Қозоғистон ҳудудида боқиб, кейин Ўзбекистон бозорига олиб кириш таклиф қилинмоқда. Ўзбекистон ҳозирнинг ўзида қўшни давлат гўштининг асосий харидори ҳисобланади. Қозоғистоннинг жами гўшт экспортининг 90 фоиздан ортиғи Ўзбекистон ҳисобига тўғри келади.

Bugun 09:13

Дам олиш кунлари қайси банклар ишлайди? (Рўйхат)

8-9-август кунлари жами 22 та банк томонидан валюта айирбошлаш ҳамда пул ўтказмаларини амалга ошириш мумкин.

Kecha 22:43

11 йилга қамалган ҳоким, энг салбий кўрсаткичга эга 10 та банк, мигрантлар учун жозибадорлигини йўқотаётган Россия, Мирзиёев–Трамп суҳбати — 7-август дайжести

Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Bugun 15:50

«Суюлтирилган газнинг эркин бозорини шакллантириш бўйича тегишли чоралар кўрилади» — энергетика вазири

Ҳар бир маҳалланинг барча зарур маълумотларни ўз ичига олган энергетик паспорти шакллантирилади. Электр ва газ таъминотидаги узилишлар ҳақида мобил иловалар орқали тезкор маълумот бериб борилади.

Bugun 12:00

Ўзбекистонда «Автомобиль йўллари тўғрисида»ги янги таҳрирдаги қонун қабул қилинди

Унга кўра, автомобиль йўллари умумий фойдаланишдаги, шаҳарлар ва бошқа аҳоли пунктлари кўчалари ҳамда хўжалик аҳамиятига эга йўлларга ажратилади. Қолаверса, йўлларни давлат мулки сифатида бошқариш, уларни ривожлантириш ва сақлаш бўйича давлат органларининг ваколатлари аниқ белгилаб берилган.

Bugun 16:27

Ўзбекистонда отанинг исмини болага фамилия қилиб бериш мумкин бўлади

Амалдаги нормага кўра, боланинг фамилияси ота-онанинг фамилиясига қараб белгиланади. Ота ёки она томонидан миллий анъаналарга кўра бобонинг исми ҳам фамилия қилиб берилиши мумкин.