Tramp va oilasi bir kunda rekord darajada boyib ketdi

02.09.2025 | 23:309363

«The Wall Street Journal» ma’lumotlariga ko‘ra, bu savdo debyuti AQSH prezidenti oilasining inauguratsiyadan beri erishgan eng yirik moliyaviy yutuqlaridan biri bo‘lishi mumkin.

Tramp va oilasi bir kunda rekord darajada boyib ketdi

Kecha, 1 sentyabr kuni kriptovalyuta birjalarida Donald Tramp oilasi tomonidan chiqarilgan navbatdagi kriptovalyuta - WLFI tokeni savdoga qo‘yildi. The Wall Street Journal xabar berishicha, savdoning birinchi kunida token narxi o‘zining eng yuqori qiymatidan uchdan bir qismdan ko‘proqqa tushib ketganiga qaramay, Tramplar oilasining boyligi bir kunda 5 milliard dollardan ziyodga ko‘paygan. Bu Trampga tegishli bo‘lgan barcha ko‘chmas mulklarning umumiy qiymatidan ancha yuqori. $WLFI tokeni 2024 yil oktyabr oyida Donald Tramp va uning o‘g‘illari Erik hamda kichik Donald Trampga tegishli bo‘lgan World Liberty Financial nomli markazlashmagan platforma tomonidan muomalaga chiqarilgan. Bozordagi barcha tokenlarni sotishdan olingan daromadning 75 foizi to‘g‘ridan-to‘g‘ri Tramp oilasiga tegishli bo‘ladi. Token birjaga chiqarilishidan oldinroq investorlar 750 million dollarlik World Liberty tokenlarini xarid qilishdi. Natijada, AQSH prezidenti oilasi o‘sha paytning o‘zidayoq ushbu loyihadan taxminan 500 million dollar daromad olishga erishgan. Oilaga bozor qiymati hozirda 5 milliard dollardan oshiq bo‘lgan 22,5 milliard WLFI tokenlari tegishli. Donald Trampning butun faoliyati davomida asosiy biznes sohasi ko‘chmas mulk bo‘lib kelgan. Trump Organization Nyu-Yorkdagi ramziy Trump Tower osmono‘par binosi, Mar-a-Lagodagi qasr, Trump Park Avenue’dagi hashamatli kvartiralar, Trump Towyer’ga tutash savdo markazi binosi va Seven Springs mulkiga egalik qiladi. Ularning umumiy baholangan qiymati joriy yil boshida taxminan 1,6 milliard dollarni tashkil etgan.

Teglar

Donald Tramp kriptovalyuta The Wall Street Journal World Liberty Financial WLFI tokeni Trump Organization

Mavzuga oid

28.10.2025 | 10:25

Serbiya prezidenti Aleksandr Vuchich rafiqasi bilan O‘zbekistonga keldi

Тошкентда икки давлат раҳбарлари ўртасида олий даражадаги музокаралар бўлиб ўтади. Вучич, шунингдек, Самарқанддаги UNESCO конференциясида фахрий меҳмон сифатида иштирок этади.

27.10.2025 | 23:24

«Burevestnik»: Rossiyaning yangi raketasi kimga tahdid solmoqda?

Rossiya «Burevestnik» nomli cheksiz uzoqlikka ucha oladigan qanotli raketaning muvaffaqiyatli sinovlari haqida ma’lum qilindi. «Bu o‘ziga xos noyob qurol» deya ta’kidladi Rossiya prezidenti Vladimir Putin. Biroq, mutaxassislar bu qurolning «mo‘’jiza» ekaniga ishonmayaptilar.

27.10.2025 | 08:58

Kreml atrofidagi elita Putindan bezdi va uning ketishini xohlayapti — WSJ

Kremlda Putin atrofidagi elita ichida uning hokimiyatdan ketishini xohlovchilar ko‘paygan. Rossiya 1918 yilgi Germaniya taqdirini takrorlashi mumkinligi aytilmoqda.

29.10.2025 | 10:44

UNESCO bosh direktori Samarqandga yetib keldi

UNESCO bosh direktori Odri Azule va tashkilot delegatsiyasi «Parij — Samarqand» maxsus charter reysi orqali Samarqandga keldi. U Bosh konferensiyaning 43-sessiyasida ishtirok etadi.

Kecha 14:53

Dushanbe Yevroittifoqning Tojikiston banklariga sanksiya qo‘llashiga norozilik bildirdi

Tojikiston Tashqi ishlar vazirligi YeI tomonidan bir qator milliy banklarni sanksiyalar ro‘yxatiga kiritilishiga qattiq e’tiroz bildirdi va bu qaror mamlakat moliya tizimiga salbiy ta’sir ko‘rsatishi mumkinligini ta’kidladi.

31.10.2025 | 17:30

Britaniya qiroli o‘z ukasini barcha unvonlaridan mahrum qildi

Buyuk Britaniya qiroli Charlz III ukasi Shahzoda Endryuni barcha rasmiy unvon va faxriy maqomlaridan mahrum qilib, uni Bukengem qarorg‘ohidan chiqarib yuborishga qaror qildi.