Biznes uchun yana bir daromad manbai: Click’da MiniApp’ni qanday ishga tushirish mumkin

Biznes uchun nafaqat yangi o‘sish imkoniyatlarini topish, balki savdo usullarini kengaytirish ham muhim: buyurtmalarni onlayn qabul qilish, to‘lovni ulash va yetkazib berishni yo‘lga qo‘yish. Shu bilan birga, alohida sayt yoki mobil ilovani ishga tushirish vaqt, budjet va resurs talab qiladi.

MiniApp biznesga yana bir sotish usulini yo‘lga qo‘yish imkonini beradi: kompaniya Click SuperApp’da o‘z raqamli servisini ishga tushiradi, foydalanuvchi esa shu yerning o‘zida tovar yoki xizmatni tanlaydi, buyurtmani rasmiylashtiradi va to‘lov qiladi.

MiniApp nima?

MiniApp — Click SuperApp ichida ishlaydigan servis. Uni alohida qidirish yoki yuklab olish, har safar tizimga qayta kirish shart emas. MiniApp bevosita Click SuperApp’da ochiladi: foydalanuvchi shu yerning o‘zida tovar yoki xizmatni tanlaydi, buyurtmani rasmiylashtiradi va to‘lovga o‘tadi.

MiniApp foydalanuvchining xaridgacha bo‘lgan yo‘lini qisqartiradi: servisni alohida yuklab olish, qayta ro‘yxatdan o‘tish yoki karta ma’lumotlarini kiritish shart emas. Kerakli imkoniyatlarning barchasi Click ichida mavjud, shu bois tovar yoki xizmatni tanlashdan to‘lovgacha kamroq qadam qoladi. Bu esa ko‘proq foydalanuvchining xaridni yakunlashiga yordam beradi.

MiniApp, sayt yoki mobil ilova: farqi nimada?

Sayt, mobil ilova va MiniApp’ning vazifasi bir xil — foydalanuvchini mahsulot bilan tanishtirish, buyurtmani rasmiylashtirish va to‘lov qilishga yordam berish. Farq esa foydalanuvchi servisga qanday kirishi va xaridgacha nechta qadam bosib o‘tishida.

MiniApp sayt yoki mobil ilovaning o‘rnini bosmaydi, balki ularni to‘ldiradi: biznes uchun Click’ning tekshirilgan auditoriyasi bilan ishlashning yana bir yo‘li paydo bo‘ladi.

MiniApp’ni qanday ishga tushirish mumkin: 5 bosqich

MiniApp’ni ishga tushirish uchun besh bosqichdan o‘tish kerak: ariza qoldirish, loyihani platformaga qo‘shish, tekshiruvdan o‘tish, to‘lovlarni qabul qilishni yo‘lga qo‘yish va servisni Click SuperApp’da joylashtirish.

1. Ariza qoldirish

MiniApp’ni ishga tushirish uchun miniapps.click.uz saytida ariza qoldirish mumkin. Shundan so‘ng Click mutaxassislari ariza beruvchi bilan bog‘lanadi, mahsulot tafsilotlarini aniqlashtiradi va keyingi bosqichlarni tushuntiradi.

2. Loyihani Click MiniApps platformasiga qo‘shish

Platformada MiniApp nomi va tavsifi ko‘rsatiladi, ikonka yuklanadi, loyiha havolasi va servis ofertasi qo‘shiladi, shuningdek, zarur integratsiyalar sozlanadi.

3. Click tekshiruvidan o‘tish

Tekshiruv loyihaning texnik, tijoriy va huquqiy jihatlarini qamrab oladi. Unda servisning to‘g‘ri ishlashi, shuningdek, ma’lumotlar va to‘lovlarni himoya qilish talablariga rioya qilinishi ishga tushirishdan oldin tekshiriladi.

4. Shartnoma tuzish

MiniApp orqali to‘lovlarni qabul qilish uchun Click bilan shartnoma tuziladi. Unda Click SuperApp orqali to‘lovlarni qabul qilish shartlari belgilanadi.

5. MiniApp’ni Click SuperApp’da ishga tushirish

Sozlash, tekshiruv va shartnoma tuzish bosqichlaridan so‘ng MiniApp Click SuperApp’da joylashtiriladi.

Agar hali sayt yoki veb-ilova bo‘lmasa, nima qilish kerak?

Tayyor sayt yoki veb-ilova bo‘lmasa, MiniApp’ni Click Vitrina bepul konstruktori orqali yig‘ish mumkin. Unda katalog yoki menyu, buyurtmani rasmiylashtirish va to‘lov uchun tayyor bloklar, shuningdek, buyurtma holatlari bilan ishlash vositalari mavjud. Tayyor servisni Click’ka ulash mumkin. Agar Vitrina imkoniyatlari yetarli bo‘lmasa, MiniApp’ni alohida ishlab chiqish mumkin.

MiniApp’ni qanday targ‘ib qilish mumkin?

Click MiniApps platformasida MiniApp uchun to‘g‘ridan-to‘g‘ri promo-havola yaratiladi. Uni ijtimoiy tarmoqlarda, Telegram-kanalda yoki saytda joylashtirish mumkin — foydalanuvchi havola orqali darhol servisga o‘tadi. Click SuperApp ichidagi targ‘ibot shartlari alohida kelishiladi.

Click’da Bellissimo Pizza, MaxWay, MediaPark, ioka, FlyEsim, Ishli va o‘nlab boshqa kompaniyalarning servislari allaqachon mavjud. Oygul ishga tushirilgandan keyingi dastlabki uch oy ichida servisdan 300 mingdan ortiq kishi foydalangan. MaxWay va Bellissimo Pizza uchun MiniApp formatidagi hamkorlik buyurtmalar sonining mos ravishda 4,6 va 10 barobar oshishiga olib kelgan.

Click’da MiniApp: dastlabki 3 oy — 0% komissiya

Click 2026-yil 3-iyuldan yil oxirigacha «MiniApp’ni 0% komissiya bilan ishga tushiring» aksiyasini o‘tkazadi.

Aksiyada O‘zbekistonda ro‘yxatdan o‘tgan yuridik shaxslar va yakka tartibdagi tadbirkorlar ishtirok etishi mumkin. Buning uchun aksiya davrida ariza topshirish, tekshiruvdan o‘tish va MiniApp’ni Click SuperApp’da ishga tushirish kerak.

Imtiyozli davr MiniApp ishga tushirilgan kundan boshlanadi: dastlabki 3 kalendar oy davomida oyiga 100 mln so‘mgacha bo‘lgan aylanma uchun Click komissiyasi 0% bo‘ladi. Ushbu summadan ortiq aylanmaga shartnomada belgilangan komissiya qo‘llaniladi. Imtiyozli davr yakunlangach, MiniApp’ning barcha aylanmasiga shartnomadagi standart komissiya tatbiq etiladi.

Ariza topshirish va aksiyaning to‘liq shartlari bilan mana bu havola orqali tanishish mumkin.

Reklama