Janubiy Koreya O‘zbekiston IT-ta’limi uchun 14 mln dollar grant ajratadi

Bugun 18:101 daqiqa

Janubiy Koreya xalqaro hamkorlik agentligi (KOICA) O‘zbekistonda IT-ta’lim ekotizimini takomillashtirishga qaratilgan yangi grant loyihasini moliyalashtiradi.

Janubiy Koreya O‘zbekiston IT-ta’limi uchun 14 mln dollar grant ajratadi

O‘zbekiston axborot texnologiyalari sohasida ta’lim tizimini rivojlantirish uchun Janubiy Koreyadan 14 million dollarlik grant oladi. Loyiha doirasida Nukus va Qarshida IT-xablar tashkil etilib, raqamli kasblar bo‘yicha mutaxassislar tayyorlanadi. Bu haqda Raqamli texnologiyalar vazirligi ma’lum qildi.

Loyihaning umumiy qiymati 14 million dollarni tashkil etadi va barcha xarajatlar Janubiy Koreya tomonidan qoplanadi. Tashabbusning asosiy maqsadi yoshlar bandligi va texnologik tadbirkorlikni qo‘llab-quvvatlashdan iborat.

14 ta IT-markaz ishga tushiriladi

Loyiha doirasida Nukus va Qarshi shaharlarida zamonaviy IT-xablar tashkil etish, shuningdek yetti tumanda jami 14 ta IT-markazni ishga tushirish rejalashtirilgan. Qurilish va jihozlash ishlari 2026 yildan 2032 yilgacha bosqichma-bosqich amalga oshiriladi.

Ta’lim dasturi orqali yoshlar sun’iy intellekt, prompt-injiniring, dasturlash, narsalar interneti (IoT) va onlayn-marketing yo‘nalishlarida bilim oladi. To‘rt yillik dastur doirasida 500 nafar mutaxassis va o‘qituvchi tayyorlanishi ko‘zda tutilgan.

Shu bilan birga, koreyalik ekspertlar startaplar uchun inkubatsiya dasturlarini yo‘lga qo‘yishda ham amaliy yordam beradi. Loyiha O‘zbekiston ta’lim tizimini modernizatsiya qilish, innovatsion biznesni mustahkamlash va mamlakatning raqamli iqtisodiyotini rivojlantirishga xizmat qilishi kutilmoqda.

Teglar

Janubiy Koreya Nukus Qarshi KOICA O‘zbekiston IT-ta’lim

Mavzuga oid

Kecha 16:57

Sanoat rejasiga chiqa olmagan 13 hokim jazolanadi

Iqtisodiyot va moliya vazirligiga bu yil 100 ta korxonada samaradorlikni oshirish uchun 30 million dollar grant jalb qilish topshirildi.

Kecha 22:25

«Cobalt» uchun shartnomalarning qayta ochilish sanasi ma’lum qilindi

Xaridni UzAutoSavdo sayti yoki rasmiy dilerlik markazlari orqali rasmiylashtirish mumkin.

Kecha 18:11

Sanoat zonalaridagi 213 gektar yerda loyihalar boshlanmagan

Xorijiy investitsiya ishtirokidagi ayrim korxonalar faqat import bilan cheklanib qolmoqda.

Bugun 11:10

Biznes-ombudsman Toshkentning «Dizayn-kodi» qarorini qayta ko‘rib chiqishni talab qildi

O‘zbekiston Respublikasi Biznes-ombudsmani Toshkent shahrida joriy etilishi rejalashtirilgan «Dizayn-kodi» bo‘yicha qarorning ayrim normalari tadbirkorlik faoliyatiga salbiy ta’sir ko‘rsatishi va amaldagi qonunchilikka zid kelishi qayd etildi.

Bugun 12:35

Saida Mirziyoyeva Samarqandga bordi

Tashrif davomida Toyloq va Urgut tumanlarida bo‘lib, ichimlik suvi tarmoqlarini rekonstruksiya qilish jarayoni, yangi barpo etilayotgan turar joylar, ta’lim va tibbiyot muassasalari faoliyati hamda fermer xo‘jaliklaridagi ishlar bilan tanishdi.

Kecha 17:15