Озарбойжоннинг Ўзбекистондаги элчиси 14 йиллик миссиясини якунлади

Bugun 08:401 daqiqa

Дипломат икки давлат муносабатларини мустаҳкамлашдаги хизматлари учун «Дўстлик» ва «Меҳнат шуҳрати» орденлари билан тақдирланган.

Озарбойжоннинг Ўзбекистондаги элчиси 14 йиллик миссиясини якунлади

Озарбойжоннинг Ўзбекистондаги фавқулодда ва мухтор элчиси Гусейн Гулиев мамлакатдаги 14 йиллик дипломатик миссиясини якунлади. Бу ҳақда Ўзбекистон ташқи ишлар вазири Бахтиёр Саидов дипломат билан ўтказилган хайрлашув учрашувида маълум қилди.

Элчининг хизматлари эътирофи

Учрашув давомида Гусейн Гулиевнинг Ўзбекистондаги самарали фаолияти ҳамда икки давлат ўртасидаги стратегик шериклик ва иттифоқчилик муносабатларини мустаҳкамлашга қўшган ҳиссаси юқори баҳоланди. Ташқи ишлар вазирининг таъкидлашича, элчи ушбу йиллар давомида нафақат Озарбойжоннинг муносиб вакили, балки дипломатик корпус дуайени сифатида ҳам юксак ҳурмат ва эътирофга сазовор бўлган.

Ўзбекистон ва Озарбойжон ўртасидаги дўстлик ҳамда биродарлик алоқаларини ривожлантириш йўлидаги кўп йиллик хизматлари учун Гусейн Гулиев Ўзбекистоннинг «Дўстлик» ва «Меҳнат шуҳрати» орденлари билан тақдирланган. Вазир дипломатга миннатдорлик билдириб, унинг келгуси фаолиятига муваффақиятлар тилади.

Бундан аввалроқ, 22 июн куни Ўзбекистон Республикаси Президенти Шавкат Мирзиёев ҳам дипломатик миссиясини якунлаётган Гусейн Гулиевни қабул қилган эди. Ушбу қабул доирасида давлат раҳбари озарбойжонлик дипломатни «Меҳнат шуҳрати» ордени билан мукофотлаган.

Mavzuga oid

Kecha 15:02

Хорижликлар Ўзбекистонда онлайн бизнес очиши мумкин бўлади

Ўзбекистонда «Talent Hub» дастури ишга туширилади. Дастур орқали хорижий мутахассислар ва инвесторлар масофадан корхона, банк ҳисобрақами ва халқаро карта очиш имкониятига эга бўлади.

Kecha 20:49

«Виждоним пок ҳолда кетяпман»: Роналдунинг афсонавий даври ниҳоясига етди

Португалия терма жамоаси сардори Ўзбекистонга қарши баҳсда дубл қайд этиб, олтита жаҳон чемпионатида гол урган ягона футболчига айланган эди.

Kecha 22:55

Янгиланаётган ўзбек алифбоси, QR-код орқали олинадиган жаримадаги машиналар ва старт олаётган «Ташаббусли бюджет» — 7 июл дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 19:26

Кетма-кет иккинчи ой: Ўзбекистон халқаро захиралари бир ойда 6,8 млрд долларга камайди

Ўзбекистоннинг расмий халқаро захиралари июн ойида 6,8 млрд долларга камайиб, 1 июль ҳолатига 63,76 млрд долларни ташкил этди. Пасайишга асосан жаҳон бозорида олтин нархининг тушиши таъсир қилган. Шу билан бирга, захиралар таркибидаги олтиннинг физик ҳажми ошишда давом этган.

Kecha 16:45

Сунъий интеллект Олмалиқ кон-металлургия комбинати ишини яхшилаяптими?

Бойитиш фабрикаларида Flotation AI технологияси татбиқ этилиб, унда пуфакларнинг ўлчами, тезлиги ва рангига қараб реагентлар қўшилиши сунъий интеллект томонидан автоматик бошқарилмоқда.

Kecha 17:13

Бир аср, уч алифбо: тил, миллат, ёзув билан нималар юз берди?

Ушбу мақолада тил мустақиллиги учун кураш, алифбонинг нега йиллар мобайнида ўзгаргани таҳлил қилинган. Шунингдек, алифбони янгилаш ислоҳотми ёки сиёсат экани борасида ҳам сўз боради.