Qozog‘iston 2028-yilgacha 4 ta yangi aeroport qurmoqchi

Qozog‘istonda 2028-yilga qadar to‘rtta yangi aeroport qurish, ikkita uchish-qo‘nish yo‘lagini barpo etish va beshta shaharda infratuzilmani modernizatsiya qilish rejalashtirilgan. Bu haqda Qozog‘iston Transport vazirligiga tayanib, «Orda.kz» xabar berdi.

Kim moliyalashtiradi?

Ma’lumotlarga ko‘ra, yangi aeroportlarning asosiy qismi «Kazaeronavigatsiya» respublika davlat korxonasi tomonidan o‘z mablag‘lari hisobidan moliyalashtirilgan. Shu bilan birga, dam oluvchilar joriy yoz mavsumida yangi aeroportlar orqali hududlar kurortlariga uchib borishi ehtimoli kam, chunki Katon-Qarag‘ay, Zaysan va Kenderlidagi qurilish ishlari 2026-yil oxirigacha yakunlanishi rejalashtirilgan.

«Ushbu loyihalarni amalga oshirish RGP «Kazaeronavigatsiya» tomonidan o‘z mablag‘lari hisobidan ta’minlandi. Arqaliq shahridagi aeroport qurilishi esa respublika budjeti hisobidan moliyalashtirildi», – deyiladi idorada.

Aeronavigatsiya xizmatlari

«Kazaeronavigatsiya» saytida qayd etilishicha, korxona xodimlari xalqaro standartlarga muvofiq xavfsiz va sifatli aeronavigatsiya xizmatlarini ko‘rsatish hamda fuqaro aviatsiyasi sohasini rivojlantirishga hissa qo‘shish bilan shug‘ullanadi.

Olmota xalqaro aeroporti ham keng ko‘lamli modernizatsiyani davom ettirib, mintaqaning eng yirik aviatsiya xablaridan biri sifatidagi maqomini mustahkamlayotgani xabar qilingan.