Qozog‘iston AQSHdan uchar taksilar sotib oldi

Bugun 20:452151

Qozog‘iston yangi Alatau shahrida AQSHning Joby Aviation kompaniyasidan sotib olingan elektr samolyotlar asosida aerotaksi tizimini yo‘lga qo‘ymoqchi.

Qozog‘iston AQSHdan uchar taksilar sotib oldi

Qozog‘iston yangi Alatau shahrida aerotaksi tizimini yaratish uchun vertikal uchishga qodir elektr samolyotlarini (eVTOL) sotib olishga deyarli 300 million dollar sarflashni rejalashtirmoqda. Bu haqda mamlakatning Sun’iy intellekt va raqamli rivojlanish vazirligi xabar berdi.

Vazir Jaslan Madiyevning ta’kidlashicha, mazkur loyiha Alatauni innovatsiyalar markaziga aylantiradi hamda shahar muhitida ilg‘or yechimlarni sinovdan o‘tkazish uchun namuna bo‘ladi.

Qayd etilishicha, shartnoma Joby Aviation kompaniyasi bilan imzolangan bo‘lib, ushbu qurilmalar uchish-qo‘nish yo‘lagisiz harakatlanishi, havoda muallaq turishi va shahar ichida yo‘lovchi hamda yuk tashishi mumkin.

Vazirlikning ta’kidlashicha, birinchi eVTOL taksilari maxsus maydonlarda sinovdan o‘tgach, Alatau va Olmaota sharlarida paydo bo‘ladi.

Ma’lumot uchun: Alatau — 2024 yilda Olmaota viloyatining bir nechta aholi punktlarini birlashtirish orqali tashkil etilgan yangi shahar bo‘lib, u raqamli sanoat, sun’iy intellekt va barqaror infratuzilmaga yo‘naltirilgan texnologik markaz sifatida ko‘riladi.

Teglar

Qozog‘iston Joby Aviation eVTOL raqamli rivojlanish Alatau aerotaksi

Mavzuga oid

02.11.2025 | 15:20

Maldiv orollari avlodlar orasida sigareta taqiqini joriy etdi

Maldiv orollari dunyoda birinchi bo‘lib 2007 yil 1 yanvardan keyin tug‘ilgan shaxslarga tamaki mahsulotlarini sotish, sotib olish yoki foydalanishni to‘liq taqiqladi. Mamlakat «avlodlar orasidagi sigareta taqiqini» amalga oshirgan yagona davlatga aylandi.

Kecha 20:25

Turkiy dunyo «Qanun» va «Qamus» orqali til birligini mustahkamlamoqda

TÜRKPA ishga tushirgan yangi raqamli loyihalar — «Qanun» va «Qamus» («Qonun» va «Qomus») turkiy mamlakatlar o‘rtasida huquqiy va til birligini rivojlantirishga xizmat qiladi.

05.11.2025 | 13:28

Pashinyan: Arman-turk dushmanligini KGB shakllantirgan

Armaniston Bosh vaziri Nikol Pashinyan sovet ittifoqi davridagi KGB organlari Kavkazdagi xalqlar o‘rtasidagi dushmanlik tasavvurini mustahkamlaganini aytdi. Bayonotdan Rossiya TIV vakili jazavaga tushdi.

Kecha 22:25

Qozog‘iston va AQSH muhim memorandum imzoladi

Memorandum foydali qazilmalar sohasidagi loyihalarni amalga oshirish uchun yangi imkoniyatlar ochishi, shu orqali Qozog‘iston iqtisodiyotini xalqaro bozorlarga integratsiya qilishni kuchaytirishi kutilmoqda.

02.11.2025 | 09:28

Eron uranni boyitish va raketa dasturini to‘xtatmasligini ma’lum qildi

Eron tashqi ishlar vaziri Abbos Aroqchiy xalqaro bosimlarga qaramasdan mamlakat raketa dasturini ham, uranni boyitish jarayonini ham to‘xtatmasligini bildirdi.

02.11.2025 | 14:53

Dushanbe Yevroittifoqning Tojikiston banklariga sanksiya qo‘llashiga norozilik bildirdi

Tojikiston Tashqi ishlar vazirligi YeI tomonidan bir qator milliy banklarni sanksiyalar ro‘yxatiga kiritilishiga qattiq e’tiroz bildirdi va bu qaror mamlakat moliya tizimiga salbiy ta’sir ko‘rsatishi mumkinligini ta’kidladi.