Tog‘li hududlarda qor ko‘chish xavfi e’lon qilindi
31-dekabr–5-yanvar kunlari O‘zbekistonning qator tog‘li tumanlarida yog‘ingarchilik va harorat o‘zgarishi sabab qor ko‘chish xavfi kuzatilishi mumkin.
O‘zbekistonning bir qator tog‘li hududlarida 2025 yil 31-dekabrdan 2026 yil 5-yanvarga qadar qor ko‘chish xavfi yuqori bo‘lishi kutilmoqda. Yog‘ingarchilik miqdorining ortishi hamda havo haroratining keskin o‘zgarishi ushbu xavfni kuchaytiradi.
Xavf asosan:
Qashqadaryo viloyati: Dehqonobod, Kitob, Qamashi, Shahrisabz tumanlarida;
Surxondaryo viloyati: Boysun, Qumqo‘rg‘on, Sariosiyo, Uzun tumanlarida;
Samarqand viloyati: Nurobod, Qo‘shrabot, Samarqand, Urgut tumanlarida;
Jizzax viloyati: Baxmal, Zomin tumanlarida;
Toshkent viloyati: Bo‘stonliq, Parkent, Ohangaron tumanlari (Chotqol tizmasi tog‘lari);
Namangan viloyati: Pop tumani.
Fuqarolarga tog‘li hududlarda sayohat va xo‘jalik ishlarini cheklash, zarurat bo‘lmaganda xavfli yo‘nalishlarda harakatlanmaslik tavsiya etilmoqda.
