Tramp: «Putin bilan Budapeshtdagi uchrashuv hali ham imkonli»

AQSH prezidenti Donald Tramp Budapeshtda Rossiya rahbari Vladimir Putin bilan uchrashuv ehtimoli haqida so‘z yuritar ekan, «hali imkoniyat bor», deya javob berdi. U bu fikrni Vashingtonda Vengriya Bosh vaziri Viktor Orban bilan uchrashuv chog‘ida bayon etdi.

Trampga ko‘ra, Budapeshtda o‘tkazilishi lozim bo‘lgan sammit Rossiyaning Ukrainadagi urushni davom ettirishi sababli bekor qilingan. «Asosiy muammo — ular urushdan to‘xtamoqchi emas», — dedi AQSH prezidenti. Shu bilan birga, u Moskva oxirida tinchlikka majbur bo‘lishiga ishonch bildirdi.

Orban esa Yevroittifoqning Ukraina bo‘yicha siyosatini tanqid qildi. Uning fikricha, faqat AQSH va Vengriya hukumati tinchlikni qo‘llab-quvvatlamoqda. «Qolganlar urushni davom ettirishni ma’qul ko‘rmoqda», — dedi u. Orban Trampning Ukraina g‘alabasi haqidagi so‘roviga hazil aralash: «Balki mo‘’jiza yuz berar», — deb javob berdi.

Reuters ma’lumotlariga ko‘ra, avvalgi sammit rejasi rossiyaliklar tomonidan hech qanday yo‘l qo‘yilmaydigan talablar tufayli buzilgan. Yevropa diplomati so‘zlariga ko‘ra, Kreml janglarni hozirgi front chizig‘ida to‘xtatishga ham rozi emas.

Bundan tashqari, agentlik xabarida aytilishicha, AQSH davlat kotibi Marko Rubio Sergey Lavrov bilan telefon orqali muloqotdan so‘ng, Rossiya bilan muzokaralar samarasiz ekanini ta’kidlab, Trampga uchrashuvni kechiktirishni tavsiya qilgan.

Avvalroq Rossiya tashqi ishlar vaziri Sergey Lavrov AQSH Davlat kotibi Marko Rubio bilan telefon orqali so‘zlashuvda Budapesht sammitini barbod qilishgani uchun Putinning qahriga uchragan bo‘lishi mumkinligi haqida xabar bergan edik.