«Mall of Uzbekistan» савдо марказлари ишга туширилади

26.05.2025 | 12:0022652

Ўзбекистонда миллий маҳсулотларни кенг тарғиб қилиш ва аҳолига ягона савдо масканида тақдим этиш мақсадида «Mall of Uzbekistan» деб номланган йирик савдо марказлари ташкил этилади.

«Mall of Uzbekistan» савдо марказлари ишга туширилади

Бу ҳақда Президент Шавкат Мирзиёев раислигидаги видеоселектор йиғилишида маълум қилинди. Таъкидланишича, мамлакатда 4 мингдан зиёд тайёр кийим-кечак, пойабзал ва чарм-атторлик маҳсулотлари ишлаб чиқарувчи корхоналар фаолият юритмоқда. Бироқ бу маҳсулотларни бир жойда тақдим этадиган савдо масканлари ҳозирча мавжуд эмас. Янги марказлардаги дўконлар тадбиркорларга минимал ижара нархида тақдим этилади. Шу орқали маҳаллий брендларнинг бозордаги улуши ошиши, аҳоли танлов имконияти кенгайиши кўзда тутилган. Шунингдек, ижтимоий заиф қатламлар манфаати ҳам эътибордан четда қолмаган. Эҳтиёжманд оилалар аъзолари ишлайдиган корхоналар учун солиқ имтиёзлари белгиланган. Жумладан, тўқимачилик ва чарм-пойабзал соҳасидаги корхоналар учун фойда солиғи 2 фоиз, ижтимоий солиқ 1 фоиз этиб белгиланди. Эндигидан бу имтиёзларни олиш учун корхонада ишловчи эҳтиёжмандларнинг улуши 15 фоиз эмас, 7,5 фоиз этиб белгиланади. Шунингдек, ногиронлиги бор ходимлар ҳам ушбу меъёрга қўшиб ҳисобланади.

Теглар

солиқ имтиёзи тўқимачилик Mall of Uzbekistan миллий маҳсулотлар савдо маркази

Мавзуга оид

31.10.2025 | 21:39

Ўзбекистонда Škoda поездларини йиғиш йўлга қўйилади

Брюсселдаги музокараларда Škoda Group Ўзбекистонда поезд йиғиш, хизмат кўрсатиш ва кадрлар тайёрлашни ўз ичига олган қўшма корхона тузиш режасини эълон қилди.

31.10.2025 | 19:50

Эртадан ўзбекистонликлар ҳаётида нималар ўзгаради?

1 ноябрдан Ўзбекистонда қатор қонунчилик ва маъмурий ўзгаришлар кучга кирмоқда. Улар тадбиркорликка ёрдам бериш, аҳолининг айрим тоифаларини қўллаб-қувватлаш, касбга қайта тайёрланиш имкониятларини кенгайтириш ва давлат хизматлари самарадорлигини оширишга қаратилган.

31.10.2025 | 23:38

Махфий ишлар: «Тошкент Трактор Заводи» собиқ раҳбарининг кирдикорлари маълум қилинди

Маълум қилинишича, аввалги раҳбар даврида ишлаб чиқариш фаолиятига мўлжалланган маблағлар ўрнига айрим шахслар фойдасига мукофот пуллари (20–150 млн сўм) ва фоизсиз қарзлар (30–500 млн сўм) ажратилган.

02.11.2025 | 11:40

Қудратилла Рафиқов Касаба уюшмалари федерацияси раислигига қайта сайланди

Маълум қилинишича, федерация раислигига номзод илк маротаба яширин овоз бериш йўли билан аниқланган.

29.10.2025 | 21:04

«Пахтакор» можароли ўйинда 14-марта Ўзбекистон Кубогини қўлга киритди

«Пахтакор» жамоаси финалда «Бухоро»ни 1:0 ҳисобида мағлуб этиб, 14-марта Ўзбекистон Кубоги соҳиби бўлди. Аммо ўйин якунида бекор қилинган гол ва майдондаги жанжал мусобақага соя солди.

02.11.2025 | 20:46