Марказий банк ҳузурида Исломий молия кенгаши ташкил этилади

Bugun 20:352 daqiqa

Бугун, 25-март куни Президент Шавкат Мирзиёев ҳузурида мамлакат инвестициявий жозибадорлигини янада оширишга қаратилган учта устувор йўналиш — халқаро молия ва рақамли технологиялар марказларини ташкил этиш ҳамда исломий молия хизматларини жорий қилиш масалалари кўриб чиқилди.

Тақдимот давомида давлат раҳбари Марказий банк ҳузурида Исломий молия кенгашини ташкил этиш бўйича топшириқ берди.

Таъкидланишича, Ўзбекистонда товарни насияга сотиш орқали мижозни молиялаштириш – муробаҳа, фойдани тақсимлаш шарти асосида мижозни молиялаштириш ёки пул маблағларини жалб этиш – музораба, вакиллик шартномаси орқали пул маблағларини бериш ёки жалб этиш – вакала, товарлар учун олдиндан ҳақ тўлаш орқали молиялаштириш – салам ва истисно, биргаликдаги фаолият орқали мижозни молиялаштириш – мушорака, мол-мулкни исломий ижарага бериш каби операциялар, шунингдек, қонунчиликка зид бўлмаган бошқа исломий молия инструментларини жорий қилиш назарда тутилмоқда.

Бунда сотилган товар устамасига қўшилган қиймат солиғи ҳисобланмаслиги, инвестициявий омонатдан олинган даромад солиқдан озод қилиниши, исломий ижара шартномалари молиявий ижара ва лизингга тенглаштирилиши белгиланмоқда.

Соҳада тизимли бошқарувни таъминлаш мақсадида Марказий банк ҳузурида Исломий молия кенгаши ташкил этилади. Шунингдек, исломий молия хизматларини кўрсатувчи банкларда ҳам алоҳида кенгашлар тузилади. Ушбу кенгашлар стандартлар ишлаб чиқиш, меъёрий-ҳуқуқий ҳужжатлар лойиҳаларини тайёрлашда кўмаклашиш, баҳсли масалаларга изоҳ бериш, шартномалар ва ички ҳужжатларни кўриб чиқиш, мувофиқлик устидан назоратни таъминлаш билан шуғулланади.

Жорий йилда камида битта тижорат банкида исломий «дарча» фаолиятини йўлга қўйиш, 2026-2030 йилларда эса тўлиқ исломий банк фаолиятини амалга оширувчи иккита банк ташкил этиш режалаштирилган. Умуман, соҳадаги янгиликлар орқали 2026-2030 йилларда қўшимча 1 миллиард доллар миқдорида инвестиция ва депозитларни жалб қилиш имконияти яратилиши қайд этилди.

Шавкат Мирзиёев мазкур таклифни амалиётга татбиқ этиш ишларини жадаллаштириш юзасидан топшириқлар берди.

Teglar

иқтисод банк кенгаш инвестиция Марказийбанк исломиймолия

Mavzuga oid

Bugun 19:05

Фарғонадаги 29-мактаб директори Гулираъно Қосимова лавозимини тарк этди

У 17-март куни расман ишдан бўшаган ва куни кеча мактаб жамоаси билан хайрлашган.

Bugun 18:15

Наманганда 150 млн долларлик туристик мажмуа қурилиши бошланди

Япония компанияси томонидан амалга оширилаётган йирик туризм лойиҳаси минтақанинг иқтисодий ва сайёҳлик салоҳиятини ошириши кутилмоқда.

Bugun 17:07

АҚШ визасини олиб бериш эвазига пора олган шахс ушланди

АҚШ визасини олиб бериш эвазига 75 минг доллар пора олган шахс қўлга олинди.

Bugun 15:15

Тожикистон президенти Ўзбекистонга давлат ташрифи билан келади

Ташриф доирасида стратегик шерикликни кучайтириш ва янги қўшма лойиҳаларни ишга тушириш масалалари муҳокама қилинади.

Bugun 17:25

«Кредит хабарнома» хизмати ишга туширилди

Ушбу хизматни ёқиш орқали фуқаролар ўз номига очилган ҳар қандай янги кредит ҳақида дарҳол хабар олиш имконига эга бўлади.

Bugun 20:15

Рақамли технологиялар халқаро маркази ташкил қилинади

Марказда тартибга солиш «қумдони» доирасида янги ечимларни синовдан ўтказиш, иш ҳақини хорижий валютада тўлаш, халқаро меҳнат стандартларини жорий қилиш, шахсга доир маълумотларни халқаро стандартлар ва булутли технологиялар асосида қайта ишлаш мумкин бўлади.