Ўзбекистон олтин захираси бўйича дунёдаги ўрни маълум бўлди

03.03.2026 | 10:552 daqiqa

Мамлакат захираси 390 тоннадан ошиб, жаҳон рейтингида Европа давлатларини ортда қолдирди.

Ўзбекистон олтин захираси бўйича дунёдаги ўрни маълум бўлди

Жаҳон олтин кенгаши ҳисоботига кўра, Ўзбекистоннинг олтин захиралари 390,3 тоннага етди ва мамлакат жаҳон рейтингида 14-ўринни эгаллади. Сўнгги маълумотлар республика қимматбаҳо металл жамғариш бўйича ўз позициясини мустаҳкамлаётганини кўрсатади.

Ҳисоботда қайд этилишича, Ўзбекистон захира ҳажми жиҳатидан Португалия (382,7 тонна) ва Қозоғистонни (341 тонна) ортда қолдирган. Бу эса мамлакатнинг халқаро молиявий барқарорлик индикаторларидаги ўрнини янада кучайтирмоқда.

2025-йилдаги харид ҳажми

2025 йил давомида республика 7,8 тонна олтин харид қилди. 2020–2025 йиллар оралиғида эса жами 54,4 тонна қимматбаҳо металл сотиб олинган. Бу давр мобайнида захираларни босқичма-босқич ошириш стратегияси амалга оширилгани таъкидланади.

Жаҳон миқёсида 2025 йилда энг йирик харидор Полша бўлиб, мамлакат марказий банки қарийб 102 тонна олтин сотиб олган. Қозоғистон 57 тонна билан иккинчи, Озарбайжон 53,4 тонна билан учинчи ўринни эгаллаган. Бразилия ва Туркия ҳам етакчи бешликка кирган.

Олтин нархи динамикаси

Олтин нархи йил давомида кескин ўсди. Агар 2025 йил бошида бир унция нархи 2 800 доллар атрофида бўлган бўлса, 2026 йил бошига келиб у 5 000 доллардан ошди. Нарх динамикаси марказий банклар фаол харидлари ва глобал геосиёсий хавфлар билан изоҳланмоқда.

Асосий сотувчилар сифатида Сингапур ва Россия қайд этилган. 2020 йилдан буён Хитой 358 тонна олтин жамғариб, энг йирик харидорга айланган.

Рейтингнинг дастлабки бешлиги

Глобал рейтингда АҚШ 8 100 тонна захира билан биринчи ўринни эгаллаб турибди. Кучли бешликка Германия, Италия, Франция ва Россия киради.

2026 йил 1 феврал ҳолатига кўра, Ўзбекистоннинг олтин-валюта захиралари 75 млрд долларга етган. Шундан 65 млрд доллари айнан олтин захиралари ҳиссасига тўғри келади.

Teglar

Олтин Хитой Олтин захираси Ўзбекистон Ақш

Mavzuga oid

Bugun 12:55

Банкларда микроқарзлар фоизи энг паст даражада тушди

Марказий банк 2026-йил 27-апрель ҳолатига кўра, тижорат банклари томонидан аҳолига ажратилган микроқарз ва автокредитлар бўйича ўртача фоиз ставкаларини эълон қилди.

Kecha 14:50

Марказий банк давлат банкларини хусусийлаштириш жараёнига изоҳ берди

VAQT.UZ мухбирининг маълум қилишича, Марказий банк давлат банкларини хусусийлаштириш ва имтиёзли кредитлар улушини камайтириш сиёсатини давом эттиради.

Kecha 11:20

Binance: Дунёдаги энг йирик криптовалюта биржаси қандай қурилган?

2017 йил июлида кичик бир дастурчилар гуруҳи тезкор, арзон ва осон фойдаланиладиган криптовалюта биржасини яратишга киришди. Ўша пайтда уларнинг раҳбари CZ номи билан танилган Changpeng Zhaoda алоҳида офис ҳам йўқ эди. Меҳмонхона хоналари штаб-квартира вазифасини ўтаган. Шунга қарамай, атиги 180 кун ичида уларнинг биржаси - Binance савдо ҳажми бўйича дунёдаги энг йирик криптобиржага айланди. Бу технология тарихидаги энг ғаройиб муваффақият ҳикояларидан бири бўлиб қолмоқда.

28.04.2026 | 10:30

Ўзбекистонда ўртача иш ҳақи 7 млн сўмга яқинлашди

2026 йил биринчи чорагида Ўзбекистонда ўртача ойлик 6,8 млн сўмга етди, аммо ҳудудлар ва соҳалар кесимидаги катта фарқ ҳануз сақланмоқда.

Kecha 11:02

Асосий ставка яна ўзгаришсиз қолдирилди

Марказий банк асосий ставкани йиллик 14 фоиз даражасида ўзгаришсиз қолдирди.

Kecha 15:32

«Бугунги йиғилишда фақат битта масала кўриб чиқилди» — Темур Ишметов

Ўзбекистон Республикаси Марказий банки бошқаруви ставкани ўзгаришсиз — 14 фоиз даражасида сақлаб қолди. VAQT.UZ мухбирининг маълум қилишича, регулятор бугунги йиғилишда фақат битта масалани кўриб чиққан.