O‘zbekiston 50 kishini Fransiyaga mavsumiy ishga yuboradi

Bugun 21:552 daqiqa

Yangi kelishuvga ko‘ra, 2026-yil yozida 50 nafar ishchi Fransiya uzumzorlariga yuboriladi.

O‘zbekiston 50 kishini Fransiyaga mavsumiy ishga yuboradi

O‘zbekiston va Fransiya qishloq xo‘jaligi sohasida o‘zaro hamkorlikni kengaytirib, o‘zbekistonliklarni uzumzorlarda mavsumiy ishlarga jalb qilish bo‘yicha kelishuvga erishdi. Bu haqda Migratsiya agentligi, Tashqi ishlar vazirligi va O‘zbekistonning Fransiyadagi elchixonasi vakillaridan iborat delegatsiyaning xorijiy mamlakatga tashrifi davomida ma’lum qilindi.

Kelishuvga ko‘ra, joriy yil yoz oylaridan boshlab pilot loyiha doirasida 50 nafar nomzod ilk bor Fransiyaga mavsumiy ishlar uchun yuboriladi. Mazkur jarayon Fransiya Qishloq xo‘jaligi ishlab chiqaruvchilari federatsiyasi (FNSEA) bilan hamkorlikda tizimli ravishda tashkil etiladi.

Shuningdek, Fransiyaning «Sélect Recruiting Service» tashkiloti bilan kadrlarni saralash va ishga joylashtirish bo‘yicha bitim imzolandi. Bundan tashqari, «CFA AC Paris» kompaniyasi bilan «ta’lim + ish» formati yo‘lga qo‘yildi. Ushbu dastur o‘zbekistonliklar uchun Fransiya restoran sohasida ham o‘qish, ham ishlash imkoniyatini yaratishni ko‘zda tutadi.

Kelishuvlarni amalga oshirish va tashkiliy-huquqiy masalalarni muvofiqlashtirish maqsadida Fransiyaning Tashqi ishlar, Ichki ishlar va Ta’lim vazirliklari mutasaddilari, shuningdek, France Travail davlat bandlik xizmati, CCI Île-de-France savdo-sanoat palatasi hamda AP-HP Parij davlat shifoxonalari xizmati vakillari bilan muzokaralar o‘tkazilgan.

Mehnat migratsiyasi geografiyasi

O‘zbekiston Tashqi mehnat migratsiyasi agentligi so‘nggi yillarda mehnat migratsiyasi geografiyasini diversifikatsiya qilish ustida ishlamoqda. Hozirga qadar Buyuk Britaniya, Germaniya, Janubiy Koreya va Litva kabi o‘ndan ortiq davlatlar bilan ishchi kuchini tashkiliy ravishda yuborish bo‘yicha hukumatlararo va idoralararo kelishuvlar imzolangan. Fransiya bilan erishilgan yangi kelishuv Yevropa Ittifoqining yirik mehnat bozoriga kirishning navbatdagi bosqichi hisoblanadi.

Fransiya qishloq xo‘jaligi sektori Yevropaning eng yirik tarmoqlaridan biri bo‘lib, sohada yiliga 270 mingdan ortiq mavsumiy ish shartnomalari tuziladi.

Teglar

Migratsiya agentligi mavsumiy ish mehnat migratsiyasi.Fransiyada ish uzumzorlar FNSEA O‘zbekiston-Fransiya hamkorligi

Mavzuga oid

Bugun 20:22

O‘zbekistonda chiroq o‘chmasligi uchun qanday choralar ko‘rilyapti?

Prezident Shavkat Mirziyoyev sohani rivojlantirish bo‘yicha taqdimot bilan tanishdi.

Bugun 19:29

«Har oltinchi oila barbod bo‘lmoqda». O‘zbekistonda ajralishlar soni nima sababdan o‘syapti va tizimli yechimlar qanday bo‘lishi kerak?

So‘nggi yillarda O‘zbekistonda oilaviy ajralishlar va maishiy zo‘ravonlik masalasi eng og‘riqli ijtimoiy muammolardan biriga aylandi. Statistika agentligi ma’lumotlariga ko‘ra, mamlakatda nikohlar soni qatorasiga to‘rtinchi yil pasaymoqda, ajralishlar ko‘rsatkichi esa muttasil o‘syapti. Quruq raqamlar ortida yashiringan ijtimoiy-iqtisodiy sabablar, yopiq eshiklar ortidagi reallik va institutsional bo‘shliqlar – maqola tahlilida.

Bugun 07:55

Farg‘ona xalqaro aeroporti kengaytiriladi

Farg‘ona xalqaro aeroportini modernizatsiya qilish orqali uning o‘tkazuvchanligi oshirilib, sayyohlar va parvozlar oqimiga mos zamonaviy infratuzilma yaratiladi.

Bugun 18:35

Banklardagi depozit stavkalari Rossiya-Ukraina urushidan buyon eng past ko‘rsatkichga tushdi

O‘zbekistonda depozitlar bo‘yicha foiz stavkalari so‘nggi to‘rt yillik minimumga tushdi, bir vaqtning o‘zida bozorda davlat banklarining ta’siri kuchayib bormoqda.

Bugun 17:17

«Telegram»da zararli dasturlarni sotish bilan shug‘ullangan shaxs qo‘lga olindi

Toshkent viloyatida 2005 yilda tug‘ilgan fuqaro tomonidan yaratilgan zararli APK dasturlarni sotish holati aniqlanib, unga nisbatan jinoyat ishi qo‘zg‘atildi.

Kecha 23:03

7 millionga yaqinlashgan o‘rtacha ish haqi, ekologiyaga 8,5 milliard so‘mdan ortiq zarar va har uchtadan bittasi ajralish bilan tugayotgan nikohlar — 28-aprel dayjesti