«Telegram»da zararli dasturlarni sotish bilan shug‘ullangan shaxs qo‘lga olindi

Bugun 17:171 daqiqa
O‘ZBEKISTON
|
Firibgarlik
|
Shaxslar

Toshkent viloyatida 2005 yilda tug‘ilgan fuqaro tomonidan yaratilgan zararli APK dasturlarni sotish holati aniqlanib, unga nisbatan jinoyat ishi qo‘zg‘atildi.

«Telegram»da zararli dasturlarni sotish bilan shug‘ullangan shaxs qo‘lga olindi © t.me/xavfsizlik_uz

«Telegram»da zararli APK dasturlarni sotish bilan shug‘ullangan shaxs qo‘lga olindi. Bu haqda DXX axborot xizmati xabar berdi.

Ma’lum bo‘lishicha, Toshkent viloyatining Chirchiq shahrida yashovchi 2005 yilda tug‘ilgan fuqaro o‘zi yaratgan zararli APK dasturlarini «Telegram» messenjeri orqali sotish bilan shug‘ullangan. U ushbu dasturlarni 100 mingdan 300 ming so‘mgacha bo‘lgan narxlarda kamida o‘n nafar foydalanuvchiga tarqatgan.

Tergov materiallariga ko‘ra, gumonlanuvchi nafaqat dasturlarni sotgan, balki ularni xarid qilgan shaxslarga texnik yordam ham ko‘rsatgan. Jumladan, dasturlardan foydalanish jarayonida yuzaga kelgan muammolar bo‘yicha maslahat berib, ularning samarali ishlashini ta’minlashga harakat qilgan.

Mutaxassislar ta’kidlashicha, mazkur zararli dasturlar orqali boshqa fuqarolarning «Telegram» akkauntlariga ruxsatsiz kirish, telefondagi SMS xabarlarni o‘qish va hatto to‘lov tizimlaridagi pul mablag‘larini o‘zlashtirib olish imkoni mavjud bo‘lgan.

Aniqlanishicha, ushbu shaxs «Telegram» platformasida beshdan ortiq guruh va kanallarni boshqarib, ular orqali zararli dasturlarning imkoniyatlarini muntazam targ‘ib qilib kelgan.

Tezkor tadbir davomida gumonlanuvchidan «Asus ExpertBook» noutbuki, “Redmi Note 10 Pro» smartfoni, qattiq disk hamda bank plastik kartalari ashyoviy dalil sifatida olindi.

Hozirda mazkur holat yuzasidan jinoyat ishi qo‘zg‘atilib, tergov harakatlari olib borilmoqda. Mas’ul idoralar fuqarolarni kiberxavfsizlik qoidalariga amal qilishga chaqirmoqda.

Teglar

DXXjinoyatkiberxavfsizlikChirchiqtelegramAPK

Mavzuga oid

Farg‘onada 300 million dollarlik 50 ta turizm loyihasi ishga tushiriladi
Kecha 18:50

Farg‘onada 300 million dollarlik 50 ta turizm loyihasi ishga tushiriladi

Prezident Farg‘ona viloyatida turizm salohiyati yuqori ekanini ta’kidlab, xorijiy sayyohlar oqimini bir necha barobar oshirish bo‘yicha aniq vazifalar belgiladi.

Qamchibek Tashiyev davlat to‘ntarishiga urinishda ayblandi
Bugun 12:35

Qamchibek Tashiyev davlat to‘ntarishiga urinishda ayblandi

Qurmankul Zulushev va Nurlanbek Turgunbek uulu ham ish figurantlari sifatida tilga olinmoqda.

Kamera va radarlar bo‘yicha IIVga so‘rov yuborildi
Bugun 08:25

Kamera va radarlar bo‘yicha IIVga so‘rov yuborildi

Parlament kamera va radarlar faoliyati samaradorligi hamda haydovchilar shikoyatlari yuzasidan Ichki ishlar vaziridan rasmiy tushuntirish so‘radi.

«Energiya tariflari oshishi inflatsiya prognozlarida inobatga olingan» — Markaziy bank
Bugun 16:27

«Energiya tariflari oshishi inflatsiya prognozlarida inobatga olingan» — Markaziy bank

29-aprel kuni o‘tkazilgan matbuot anjumanida Markaziy bank raisi Temur Ishmetov energiya tariflari va inflatsiya prognozlari bo‘yicha izoh berdi.

7 millionga yaqinlashgan o‘rtacha ish haqi, ekologiyaga 8,5 milliard so‘mdan ortiq zarar va har uchtadan bittasi ajralish bilan tugayotgan nikohlar — 28-aprel dayjesti
Kecha 23:03

7 millionga yaqinlashgan o‘rtacha ish haqi, ekologiyaga 8,5 milliard so‘mdan ortiq zarar va har uchtadan bittasi ajralish bilan tugayotgan nikohlar — 28-aprel dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

«Real Sanjik»: «Meni chiroyli qilib “podstava” qilishdi»
Kecha 20:46

«Real Sanjik»: «Meni chiroyli qilib “podstava” qilishdi»

Avtobloger va tadbirkor Sanjar Karimov ustidan JIB Mirzo Ulug‘bek tuman sudida sud tergovi yakunlandi. U o‘zini chiroyli qilib «podstava» qilishganini jurnalistlarga aytib berdi. Sud majlisida 240 ming dollarlik uy sobiq egalariga qaytarib berildi, narkotik moddalar esa “maxorka” bo‘lib chiqdi.