FIFA JCH-2026 mukofot pullarini oshirdi
FIFA 2026 yilgi Jahon chempionati uchun mukofot pullarini oshirdi, endi har bir ishtirokchi jamoaga kamida 12,5 million dollar kafolatlanadi.
FIFA 2026 yilda o‘tkaziladigan FIFA World Cup 2026 uchun mukofot pullarini oshirish bo‘yicha yakuniy qaror qabul qildi. Yangilangan budjetga ko‘ra, turnirda ishtirok etuvchi barcha milliy federatsiyalar sezilarli moliyaviy qo‘llab-quvvatlashga ega bo‘ladi.
FIFA tomonidan taqdim etilgan hisobotda tayyorgarlik va ishtirok etish xarajatlarini qoplash uchun quyidagi miqdorlar belgilandi:
Tayyorgarlik subsidiyasi: Turnirga tayyorgarlik ko‘rish uchun har bir jamoaga ajratiladigan mablag‘ 1,5 million dollardan 2,5 million dollargacha oshirildi.
Yo‘llanma mukofoti: JCH-2026 yo‘llanmasini qo‘lga kiritganlik uchun beriladigan to‘lov 9 million dollardan 10 million dollargacha ko‘tarildi.
Logistika va kvotalar: Jamoalar delegatsiyalarining yashash xarajatlari uchun alohida subsidiyalar ajratiladi. Shuningdek, ishtirokchilar uchun jami qiymati 16 million dollarlik kengaytirilgan chipta kvotalari taqdim etiladi.
Mukofot pullari
Chempion: 50 mln dollar
Finalchi (2-o‘rin): 33 mln dollar
3-o‘rin: 29 mln dollar
4-o‘rin: 27 mln dollar
5–8-o‘rinlar (Chorak finalchilar): 19 mln dollar
9–16-o‘rinlar (Nimchorak finalchilar): 15 mln dollar
17–32-o‘rinlar: 11 mln dollar
33–48-o‘rinlar: 10 mln dollar.
Shu tariqa, JCH-2026da ishtirok etadigan har bir mamlakat (jumladan, O‘zbekiston milliy terma jamoasi ham) guruh bosqichidagi natijasidan qat’i nazar, tayyorgarlik va ishtirok uchun jami kamida 12,5 million dollar miqdoridagi mablag‘ni qo‘lga kiritishi kafolatlandi.
O‘zbekiston milliy terma jamoasi 11-iyundan 19-iyulga qadar AQSH, Kanada va Meksikada o‘tadigan Jahon chempionatida ilk bor ishtirok etadi. Terma jamoa «K» guruhida Kolumbiya, Portugaliya hamda Yamayka, Yangi Kaledoniya va Kongo DR o‘rtasidagi pley-off g‘olibi bilan bellashadi.
