Ўзбекистонда долларга бўлган талаб 17,7 фоизга ошди

Kecha 22:111 daqiqa

Жорий йил январ-июл ойларида валютага бўлган талаб 38,2 млрд долларга етди, сўм 0,4 фоиз мустаҳкамланди.

Ўзбекистонда долларга бўлган талаб 17,7 фоизга ошди

2026 йил январ-июл ойларида юридик ва жисмоний шахсларнинг чет эл валютасига бўлган жами талаби 38,2 млрд долларни ташкил қилди. Бу кўрсаткич 2025 йилнинг мос даврига нисбатан 17,7 фоизга кўп. Бу ҳақда Марказий банк матбуот хизмати хабар берди.

Маълум бўлишича, 2025 йилнинг мазкур даврида мамлакатда чет эл валютасига бўлган жами талаб 32,5 млрд доллар бўлган.

Таклиф ҳам ўсди

Қайд этилишича, юридик ва жисмоний шахсларнинг чет эл валютаси жами таклифи 2025 йилнинг мос даврига нисбатан 7,2 млрд доллар ёки 28 фоизга ошиб, 33 млрд долларга етган.

2026 йилнинг январ-июл ойларида аҳоли томонидан тижорат банкларига 14,6 млрд доллар сотилган бўлса, юридик шахслар томонидан сотилган валюта маблағлари 18,4 млрд долларни ташкил этган.

Сўм 0,4 фоиз мустаҳкамланди

Ҳисобот даврида доллар курси 11 910–12 320 сўм оралиғида ўзгариб турган. Шу билан бирга, январ-июл ойлари якунига кўра, миллий валюта долларга нисбатан қарийб 0,4 фоизга мустаҳкамланган.

Курс тебранишининг ўртача кўрсаткичи 32 сўм ёки 0,27 фоизни ташкил этган. 2025 йилнинг шу даврида бу кўрсаткич 28,2 сўм ёки 0,22 фоиз бўлган.

Teglar

доллар талаб таклиф валюта Марказийбанк сўм

Mavzuga oid

Kecha 17:50

Доллар 2023 йил августидан бери энг паст даражага тушди

Сўмга нисбатан доллар курси уч йиллик энг паст кўрсаткични қайд этди. Йил бошидан бери курс 1,2 фоизга қадрсизланди.

Kecha 19:55

«Суюнчи пули»: туғилишлар қисқараётган пайтда уни барча фарзандларга тўлиқ тиклаш вақти келмадими?

2024 йил апрелдан иккинчи ва ундан кейинги фарзандлар учун «суюнчи пули» чекланди. Туғилишлар эса 11 чоракдан бери камаймоқда. Vaqt.uz тўлов нега қисқартирилгани, тежалган маблағлар тақдири ва уни 2027 йилда тўлиқ тиклаш режаси бор-йўқлиги бўйича Ижтимоий ҳимоя миллий агентлигидан расмий изоҳ олди.

Kecha 09:00

УзБАТнинг тушуми 86 млрд сўмга, фойдаси эса 47 млрд сўмга қисқарди

Ўзбекистондаги етакчи тамаки ишлаб чиқарувчилардан бири бўлган УзБАТ 2026-йилнинг биринчи ярмида 1,78 трлн сўм тушум олди. Тушум қисқарганига қарамай, компания 676 млрд сўм соф фойда кўрди.

Kecha 19:37

Ўзбекистонда янги университетлар очилмайди: вазир сабабини айтди

Олий таълим вазирининиг фикрича, мавжуд университетлар қуввати етарли.

Kecha 19:14

Оммавий анестезия: Нега тармоқларнинг ўзбек сегментида «овқат культи» оммалашмоқда? | Фикр вақти

Тармоқларнинг ўзбек сегментини эгаллаган «овқат культи» замирида нима ётибди? Бу шунчаки аудитория чақиришнинг хавфсиз ва осон йўлими ёки мураккаб ҳаёт ва чарчоқдан қочиб, мияни ўчиришга уринаётган жамиятнинг ижтимоий-руҳий анестезияси?

Kecha 08:30

Талабалар ётоқхоналари 2030 йилгача етарли бўлади — вазир

Олий таълим, фан ва инновациялар вазири Қўнғиротбой Шариповга кўра, сўнгги 10 йилда 100 минг ўринли ётоқхоналар қурилган. Бироқ аввалги давлат дастурида белгиланган 109,7 минг ўринлик режанинг қарийб учдан бири бажарилмай қолган.