Тошкент вилоятида прокурорларга 4,5 млрд сўмга автотураргоҳ қурилади

Тошкент вилояти прокуратураси эҳтиёжи учун 4,5 миллиард сўм маблағ ажратилиб, қарийб 1 гектар ер майдонида автотураргоҳ қурилиши режалаштирилгани маълум бўлди. Бу бўйича Тошкент вилояти ҳокимининг 2025 йил 6 декабрдаги фармойиши «e-qaror» порталига жойлаштирилган.

Автотураргоҳ қуриш учун вилоят ҳокимлиги ажратадиган маблағ «Тошкент вилояти ҳокимлиги ҳузуридаги Тошкент вилоятида бизнес марказларини қуриш дирекцияси» ДУК ҳисоб рақамига ўтказилади.

Мазкур фармойишда кўрсатилишича, автотураргоҳнинг умумий майдони тахминан 1 гектарни ташкил этади. Айрим тармоқ фойдаланувчилари эса Бош прокуратура биносида ҳам бу қадар катта автотураргоҳ мавжуд эмаслигини таъкидлашмоқда.