«Apex Bank» boshqaruvida o‘zgarishlar: Olga Numanova va Sharof Ikramov lavozimidan ozod etildi

Kecha 20:431 daqiqa

2025-yilning dekabridan buyon bank rahbari vazifasini bajarib kelgan Olga Numanovaning vakolatlari tugatilib, uning o‘rniga Sherzod Madjitov rais vazifasini vaqtincha bajaruvchi etib tayinlandi.

«Apex Bank» boshqaruvida o‘zgarishlar: Olga Numanova va Sharof Ikramov lavozimidan ozod etildi

«Apex Bank» AJ boshqaruv raisi vazifasini vaqtincha bajarib kelgan Olga Numanova hamda boshqaruv raisining o‘rinbosari Sharof Ikramovning vakolatlari tugatildi. Ularning o‘rniga Sherzod Madjitov bank boshqaruvi raisi vazifasini vaqtincha bajaruvchi etib tayinlandi.

^{Sharof Ikramov / Foto: Apex Bank}

Mazkur qaror bank kuzatuv kengashining 2026 yil 6-noyabrdagi yig‘ilishi bayonnomasiga asosan qabul qilingan.

^{Olga Numanova / Foto: InFinBank}

Openinfo.uzga joylashtirilgan rasmiy axborotga ko‘ra, bank boshqaruv raisi vazifalarini vaqtincha bajarish Sherzod Turapovich Madjitovga yuklatilgan. Ma’lumot o‘rnida, Sh. Madjitov 2025 yilning noyabr oyidan buyon «Apex Bank» boshqaruv raisi o‘rinbosari lavozimida ishlab kelayotgan edi.

Timur Shevketovich Emirsaliyev bank boshqaruv raisining o‘rinbosari sifatida, Irina Ruslanovna Xan esa bank bosh buxgalteri lavozimida faoliyatini davom ettiradi.

^{Sherzod Madjitov / Foto: Apex Bank}

Eslatib o‘tamiz, 2025 yil 2-dekabr kuni Olga Numanova «Apex Bank» boshqaruv raisining birinchi o‘rinbosari etib tayinlangandi. Ushbu tayinlovdan so‘ng ko‘p o‘tmay, bankning amaldagi boshqaruv raisi Sergey Gimadiyev lavozimidan ozod etilgan. Shundan buyon Olga Numanova qariyb bir yil davomida bank boshqaruv raisi vazifasini vaqtincha bajarib kelayotgan edi.

Teglar

iqtisodiyot moliya tayinlov bank ApexBank OlgaNumanova SherzodMadjitov muhimfakt

Mavzuga oid

Kecha 17:57

«Octobank» O‘zbekistonda raqamli to‘lovlarni rivojlantirishdagi yutuqlari uchun Visa mukofotiga sazovor bo‘ldi

Visa xalqaro to‘lov tizimi «Octobank»ni O‘zbekistonda innovatsion raqamli to‘lov yechimlarini muvaffaqiyatli joriy etgani uchun «Digital Wallets Launch Excellence» mukofoti bilan taqdirladi. Ushbu mukofot bankning zamonaviy to‘lov texnologiyalarini rivojlantirish va raqamli moliyaviy xizmatlar imkoniyatlarini kengaytirish borasidagi yutuqlarining e’tirofi bo‘ldi.

06.11.2026 | 11:25

«BRB Lizing» o‘z faoliyatini boshladi

«Biznesni rivojlantirish banki» ATB ta’sischiligidagi ushbu MCHJ biznes uchun yangi moliyaviy imkoniyatlar yaratmoqda. Tadbirkorlar va aholi o‘z biznesini boshlashi yoki kengaytirishi uchun qulay shartlar asosida moliyalashtirish xizmatlaridan foydalanishi mumkin.

06.11.2026 | 15:24

Qaysi banklarda mikroqarz va avtokredit foizlari eng past?

Markaziy bank mamlakatdagi tijorat banklari taklif qilayotgan mikroqarz va avtokreditlarning yangilangan foiz stavkalarini ma’lum qildi.

Kecha 18:20

O‘zbekistondagi 12 ta eng yirik bank tizim aktivlarining qariyb 79 foizini nazorat qilmoqda

Mamlakatda faoliyat yuritayotgan 35 ta bankning umumiy aktivlari 1 044,8 trillion so‘mni tashkil qilgan bir paytda, ushbu mablag‘larning qariyb 79 foizi (821,9 trln so‘m) faqatgina 12 ta eng yirik bank boshqaruvida jamlangan.

03.11.2026 | 20:10

Qirg‘izistonning eng yirik banki Londonda IPO o‘tkazish va yuanda obligatsiyalar chiqarishga tayyorlanmoqda

Bank boshqaruvi raisiga ko‘ra, yuandagi qarzlar dollardagiga qaraganda arzonroq tushadi.

06.11.2026 | 10:05

Prezident mahalliy bank inqirozidan keyin iste’foga chiqdi

Regulyator bank to‘lovlarni amalga oshirishda jiddiy muammolarga duch kelgani sababli uning boshqaruvini o‘z nazoratiga olgandi. Bu qarordan keyin bank mijozlarining hisoblaridagi mablag‘lar muzlatildi.