Surxondaryoda 277 ta soxta «prava» yoqib yuborildi

Bugun 08:001 daqiqa

Holat bo‘yicha 11 kishi sudlangan.

Surxondaryoda 277 ta soxta «prava» yoqib yuborildi

Surxondaryo viloyatining Angor tumanida jinoyat ishi bo‘yicha ashyoviy dalil sifatida saqlangan 277 ta qalbaki haydovchilik guvohnomasi yoqib yuborildi. Bu haqda Respublika Majburiy ijro byurosi xabar berdi.

Mazkur soxta hujjatlar jinoyat ishlari bo‘yicha Angor tuman sudining ijro varaqasiga asosan ashyoviy dalil deb topilgan va ularni yo‘q qilish belgilangan. Ushbu qalbaki hujjatlar bilan bog‘liq jinoyat ishi doirasida jami 11 nafar shaxsga nisbatan sud hukmi chiqarilgan.

Sud hujjati ijrosini ta’minlash maqsadida Majburiy ijro byurosining Angor tuman bo‘limi tomonidan tegishli ijro harakatlari amalga oshirildi.

Jarayon davomida sudning ashyoviy dalillarni saqlash xonasida saqlanayotgan barcha 277 ta qalbaki haydovchilik guvohnomasi olinib, belgilangan tartib va xavfsizlik talablariga qat’iy rioya etilgan holda maxsus qozonxonada yoqish orqali to‘liq yo‘q qilingan.

Teglar

sud hukmi Surxondaryo MIB jinoyat ishi qonunchilik.Angor tumani soxta prava qalbaki haydovchilik guvohnomasi

Mavzuga oid

Kecha 15:57

30 kun kutasiz yoki 450 dollar to‘laysiz: IMEI-kodlari ekspertizasi kuchaydimi?

Toshkent xalqaro aeroportida smartfonlar va ularning IMEI-kodlari nazorati kuchaytirildi, qimmat telefonlar 30 kungacha ekspertizada qolishi mumkin. Yo‘lovchilarning aytishicha, bu tekshiruvni 450 dollar va undan ko‘proq to‘lab bir kunda yakunlash taklif qilinmoqda. Bu allaqachon bozorlarda smartfonlar narxlariga ta’sir qilgan bo‘lishi mumkin.

Kecha 19:00

Himoyami yoki buyruqbozlik? Nega ilovalar majburiy o‘rnatilmoqda?

Davlat idoralari fuqarolardan turli mobil ilovalarni o‘rnatishni talab qilmoqda. Biroq bu ilovalarda to‘planayotgan shaxsiy ma’lumotlarning xavfsizligi va ularning tarqalishi uchun javobgarlik masalasi haligacha ochiq. Vaqt.uz navbatdagi intervyuda ekspertlar ishtirokida ayni shu masalalarni tahlil qildi.

Kecha 22:45

IMEI mojarosi ortidan qimmatlagan iPhone, uy xaridorlarini himoya qiluvchi yangi qonun va 12 ball to‘plagan haydovchini kutayotgan sud — 10-noyabr dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Kecha 18:05

O‘zbekistonda eng ko‘p YTH qaysi hududlarda qayd etilgan?

To‘qqiz oy davomida mamlakatda 3,4 mingga yaqin yo‘l-transport hodisasi qayd etilib, ular oqibatida 5 581 kishi jabrlangan.

Kecha 21:20

Qirg‘iziston Andijonda o‘z Bosh konsulxonasini ochadi

Sadir Japarov Andijon shahrida Bosh konsulxona ochish to‘g‘risidagi farmonni imzoladi. Yangi vakolatxona Andijon, Farg‘ona va Namangan viloyatlarini qamrab oladi.

Kecha 17:37