Tibbiy jihozlar xavf darajasiga ko‘ra to‘rt guruhga ajratildi

Uzbekistonda dori vositalari va tibbiy jihozlarni ro‘yxatdan o‘tkazish tartibi xalqaro talablarga moslashtiriladi. Bu haqda prezident imzolagan 19 avgust kuni imzolangan PF–137-son farmonida belgilangan. Farmonga ko‘ra, 2026 yil 1 yanvardan tibbiy buyumlar va tibbiy texnikalarning muomalasi quyidagicha tartibda amalga oshiriladi: – tibbiy buyum va tibbiy texnikalar tibbiy jihozlar sifatida davlat ro‘yxatidan o‘tkaziladi; – tibbiy jihozlar inson hayoti bilan bog‘liq bo‘lgan ehtimoli yuqori xavflarni hisobga olgan holda 4 ta xavfsizlik darajasiga ko‘ra tasniflanadi; – tibbiy jihozlar klinik tadqiqotlarning ijobiy natijasi asosida davlat ro‘yxatidan o‘tkaziladi. Shuningdek, dori vositalari uchun 2027 yil 1 yanvardan “Zarur ishlab chiqarish amaliyoti – GMP” sertifikati talab qilinadi. Tibbiy jihozlar uchun esa 2027 yil 1 iyuldan “ISO: 13485” milliy standartiga muvofiqlik sertifikati talab qilinadi.