10 soatlik tanaffus e’lon qilgan Isroil G‘azoga hujum qildi: 34 falastinlik halok bo‘ldi

Isroil armiyasi yakshanba kuni G‘azo shahri, Deir al-Balax va Muvasi hududlarida har kuni soat 10:00 dan 20:00 gacha operatsiyalarni to‘xtatishini bildirgan edi. Bu tadbirlar yordam oqimini yaxshilash va xavfsiz yo‘laklarni ta’minlash maqsadini ko‘zlagan. Biroq dushanba kungi zarbalar ushbu vaqtinchalik tanaffusdan tashqari paytlarda amalga oshirilgan. AP axborot agentligining yozishicha, yordam tashkilotlari bu choralarni olqishlagan, biroq ular G‘azodagi ochlik muammosiga qarshi yetarli emasligini bildirgan. Bu orada, isitish va oziq-ovqat yetishmasligi sababli tunini och o‘tkazayotgan bolalar surati butun dunyoda g‘azab uyg‘otdi. AQSH prezidenti Donald Tramp bu tasvirlarni «dahshatli» deb atadi. So‘nggi zarbalardan biri Muvasi hududidagi uyni nishonga oldi. Unda 7 oylik homilador ayol va 11 kishi halok bo‘ldi. Palestina Qizil Yarim Oy jamiyati ma’lumotiga ko‘ra, ayolning farzandi murakkab jarrohlik orqali naҷot topgan. Yana bir zarba Xan-Yunus shahridagi ikki qavatli uyni nishonga oldi. Unda kamida 11 kishi halok bo‘ldi, ularning ko‘pchiligi ayol va bolalar ekani aytilmoqda. 2023 yil 7 oktyabrda HAMAS Isroilga hujum uyushtirib, 1 200 nafarni o‘ldirgan va 251 kishini garovga olgan. Shundan keyin boshlangan Isroilning javob zarbalarida G‘azo sog‘liqni saqlash vazirligi ma’lumotiga ko‘ra, 59 800 dan ortiq falastinlik halok bo‘lgan. Ular orasida ayollar va bolalar soni katta ekani ta’kidlanmoqda.