Шахмат олимпиадасига бағишлаб олтин ва кумуш тангалар чиқарилади

Bugun 17:011 daqiqa

Марказий банк дастлаб 100 дона олтин ва 500 дона кумуш эсдалик тангасини муомалага чиқаришни режалаштирган. Тангаларнинг оғирлиги 31,1 граммдан бўлиб, улар ёнма-ён қўйилганда Регистон майдони пештоқининг яхлит тасвири ҳосил бўлади.

Шахмат олимпиадасига бағишлаб олтин ва кумуш тангалар чиқарилади

Марказий банк Самарқанд шаҳрида ўтказиладиган 46-Бутунжаҳон шахмат олимпиадасига бағишланган олтин ва кумуш эсдалик тангаларини муомалага чиқаради.

Тангалар «Икки танга — бир Регистон» концепцияси асосида яратилган. Улар ёнма-ён қўйилганда Регистон майдони пештоқининг яхлит тасвири ҳосил бўлади.

Тангаларнинг аверс қисмида Самарқанддаги Тиллакори мадрасасининг меъморий элементлари, шахмат доналари силуэти ва геометрик нақшлар акс эттирилган. Олтин тангага «46-Бутунжаҳон Шахмат Олимпиадаси Самарқанд-2026», кумуш тангага эса «46th Fide Chess Olympiad Samarkand-2026» ёзуви туширилади.

Реверс қисмида Халқаро шахмат федерацияси (FIDE) логотипи жойлаштирилган. Олтин тангада «Ўзбекистон Республикаси Марказий банки», кумуш тангада эса «Central Bank of the Republic of Uzbekistan» ёзуви ҳамда номинал қиймати кўрсатилади.

Ҳар икки танга 999,9 пробали олтин ва кумушдан зарб этилади. Уларнинг ҳар бири 31,1 грамм оғирликка эга бўлиб, номинал қиймати эса 100 минг сўм этиб белгиланган.

Дастлаб 100 дона олтин ва 500 дона кумуш танга чиқарилади. Марказий банк маълумотига кўра, бозор талаби ва коллекционерлар қизиқишидан келиб чиқиб, тангалар тиражи кейинчалик босқичма-босқич оширилиши мумкин.

Тангаларни 24-сентабрдан тижорат банклари ва филиалларида харид қилиш мумкин

Эслатиб ўтамиз, регулятор сентябр ойи бошида Ўзбекистон мустақиллигининг 35 йиллигига бағишланган олтин ва кумуш эсдалик тангаларни сотувга чиқарганди.

Teglar

олтин танга кумуш танга Марказий банк шахмат шахмат олимпиадаси эсдалик танга

Mavzuga oid

Bugun 13:05

Президент Андижонга бориб, халқаро аэропортнинг реконструкция ишлари билан танишди

Аэродром мажмуасини қайта таъмирлаш лойиҳасининг умумий қиймати 1,1 трлн сўмни ташкил этади. Биринчи босқичда аэропорт инфратузилмаси тубдан янгиланди. Учиш-қўниш йўлаги 3,3 километргача узайтирилиб, кенглиги 60 метр бўлган янги 4E тоифали йўлак барпо этилди. Шунингдек, 10 та ҳаво кемасига мўлжалланган тўхташ жойлари ва руллаш йўлаклари қурилди.

Bugun 14:35

Андижонда кичик ГЭСлар учун замонавий ускуналар ишлаб чиқарилади

Тўлиқ хорижий инвестициялар ҳисобига амалга оширилаётган лойиҳанинг умумий қиймати 20 млн долларни ташкил этади. Лойиҳа доирасида 200 та янги иш ўрни яратилади. Маҳсулотларни Қозоғистон, Қирғизистон ва Тожикистонга экспорт қилиш, йиллик экспорт ҳажмини 3 млн долларга етказиш режалаштирилган.

Kecha 08:00

Telegram-кураторлар топшириғи билан ҳаракат қилган наркокурерлар ушланди

Таиланд – Тошкент – Самарқанд йўналиши бўйича олиб кирилган гиёҳвандлик воситалари тезкор тузилмалар томонидан мусодара қилинди.

Kecha 18:01

Рейтинг: Тошкент иқтисодий фаолликдаги ўзгаришлар тезлиги бўйича биринчи ўринни эгаллади

Халқаро таҳлилчилар Тошкентни ривожланишини кузатиб бориш лозим бўлган шаҳарлар рўйхатига киритган.

Kecha 10:25

GM UzAuto Motors’ни хусусийлаштиришда устувор ҳуқуққа эга бўлмайди

Давактив UzAuto Motors ни хусусийлаштириш юзасидан қўшимча изоҳ берди. Савдоларда қонунчилик талабларига жавоб берадиган барча инвесторлар иштирок этиши мумкин.

Bugun 11:43