Tojikistonda inflatsiya tezlashdi: yetti oyda narxlar 2,6 foizga oshdi
O‘tgan yilning shu davrida narxlar 2 foizga oshgan edi. Inflatsiya 0,6 foiz punktga tezlashgan.
© Foto:Asia-PlusTojikistonda 2026-yilning yanvar–iyul oylarida iste’mol narxlari 2,6 foizga oshdi. Bu haqda Statistika agentligi xabar berdi.
O‘tgan yilning shu davrida narxlar 2 foizga oshgan edi. Demak, inflatsiya 0,6 foiz punktga tezlashgan. Bu yil yetti oy davomida eng ko‘p xizmatlar, yonilg‘i-moylash materiallari, mevalar va ayrim sabzavotlar qimmatlagan. 2026-yilning yanvar–iyul oylarida iste’mol narxlari umumiy hisobda 2,6 foizga, nooziq-ovqat mahsulotlari 2,1 foizga, pullik xizmatlar esa 3,8 foizga qimmatlagan.
O‘tgan yilgi ko‘rsatkichlar biroz boshqacha bo‘lgan. 2025-yilning yanvar–iyul oylarida iste’mol narxlari 2 foizga oshgan. O‘sha davrda oziq-ovqat mahsulotlari 3,2 foizga, xizmatlar 3,5 foizga qimmatlagan, nooziq-ovqat mahsulotlari esa 0,1 foizga arzonlagan.
Shunday qilib, 2026-yilda yetti oy ichidagi umumiy narxlar o‘sishi o‘tgan yilga nisbatan yuqori bo‘ldi. Bunga, asosan, nooziq-ovqat mahsulotlari va xizmatlarning sezilarli darajada qimmatlagani sabab bo‘lgan.
Qimmatlagan mahsulotlar:
Suyultirilgan gaz — 35,8 foizga;
Dizel yonilg‘isi — 48,9 foizga;
Benzin — 19,2 foizga.
