Tojikistonning tashqi savdo aylanmasi qariyb 45 foizga o‘sdi

Tojikistonning tashqi savdo aylanmasi 2026 yilning yanvar–may oylarida 5,8 milliard dollarni tashkil etdi. Bu ko‘rsatkich o‘tgan yilning shu davriga nisbatan 44,6 foizga yuqori. Bu haqda mamlakat Bojxona qo‘mitasi ma’lum qildi.
 

Taqqoslash uchun, 2025 yilning dastlabki besh oyida Tojikistonning tashqi savdo hajmi qariyb 4 milliard dollarni tashkil etgan. Bir yil ichida savdo aylanmasi taxminan 1,8 milliard dollarga oshgan.

Hisobot davrida eng katta o‘sish eksport sohasida qayd etildi. 2026 yilning yanvar–may oylarida Tojikiston 1,4 milliard dollarlik mahsulot eksport qilgan bo‘lib, bu o‘tgan yilning mos davriga nisbatan 76,8 foizga ko‘pdir.
 

Biroq eksport hajmidagi sezilarli o‘sishga qaramay, mamlakatning tashqi savdo balansi salbiyligicha qolmoqda. Tojikiston eksport qilganidan ko‘ra ko‘proq mahsulot import qilishda davom etmoqda.

2026 yilning dastlabki besh oyi yakunlariga ko‘ra, tashqi savdo balansidagi farq qariyb 2,9 milliard dollarni tashkil etdi. Bu ko‘rsatkich 2025 yilning shu davrida 2,4 milliard dollar bo‘lgan edi.