«BRB Lizing» ўз фаолиятини бошлади

Bugun 11:252 daqiqa

«Бизнесни ривожлантириш банки» АТБ таъсисчилигидаги ушбу МЧЖ бизнес учун янги молиявий имкониятлар яратмоқда. Тадбиркорлар ва аҳоли ўз бизнесини бошлаши ёки кенгайтириши учун қулай шартлар асосида молиялаштириш хизматларидан фойдаланиши мумкин.

«Бизнесни ривожлантириш банки» АТБ томонидан тадбиркорлар ва аҳоли учун янги молиявий имкониятлар яратиш ишлари жадал давом эттирилмоқда. Хусусан, шу кунларда «Бизнесни ривожлантириш банки» АТБ таъсисчилигида янги «BRB Lizing» масъулияти чекланган жамияти ўз фаолиятини бошлади.

Янги ташкил этилган «BRB Lizing» МЧЖ тадбиркорлик субъектлари ҳамда аҳолига замонавий асбоб-ускуналар, техникалар, транспорт воситалари ва бошқа асосий воситаларни лизинг ва бўлиб тўлаш шартлари асосида етказиб бериш орқали қўллаб-қувватлашга қаратилган. Унинг ташкил этилиши муносабати билан Навоий вилоятида тадбиркорлар ва аҳоли учун мўлжалланган замонавий техника ҳамда кичик ускуналарнинг йирик кўргазмаси ташкил этилди.

Унда Ўзбекистонда ва хорижда ишлаб чиқарилган турли хил илғор ускуналар намойиш этилиб, ташриф буюрувчиларга уларнинг имкониятлари яқиндан таништирилди. Тадбиркорлар ва аҳоли ўз бизнесини бошлаши ёки кенгайтириши учун қуйидаги қулай шартлар асосида молиялаштириш хизматларидан фойдаланиши мумкин.

Микролизинг ва лизинг хизматларининг шартлари:

Молиялаштириш миқдори: микролизинг доирасида 300 миллион сўмгача.
Муддати: 12 ойдан 84 ойгача.
Бошланғич тўлов (бадал): ускуна қийматининг камида 20 фоизи.
Йиллик фоиз ставкаси: бошланғич тўловга боғланган ҳолда 14 фоиздан 24 фоизгача (комиссия қарори билан белгиланади).

Жамиятнинг асосий вазифалари кичик ва ўрта бизнес вакиллари, шунингдек, ўз фаолиятини бошлаётган тадбиркорларга узоқ муддатли лизинг хизматларини кўрсатиш, ўзини ўзи банд қилган фуқаролар ва аҳолига шахсий эҳтиёжлари ҳамда кичик бизнес учун зарур бўлган асбоб-ускуналарни бўлиб тўлаш асосида ижарага ва лизингга бериш, халқаро молия институтлари ва донорларнинг имтиёзли маблағларини жалб этган ҳолда замонавий лизинг объектларини харид қилиш, лизинг объектларининг техник ҳолатини тизимли мониторинг қилиш ва улардан самарали фойдаланишни ташкил этишдан иборат.

Таъкидлаш жоизки, бу каби кўргазма ва тақдимотлар ҳозирги кунда республиканинг барча ҳудудларида босқичма-босқич ўтказилмоқда. Энг муҳими, мижозларга қулайлик яратиш мақсадида кўргазма ҳудудининг ўзида кредит расмийлаштириш ва бошқа қатор замонавий банк маҳсулотларидан фойдаланиш имконияти ҳам яратилган.

Teglar

тадбиркорлик кичик бизнес банк BRB Lizing Бизнесни ривожлантириш банки

Mavzuga oid

Bugun 10:05

Президент маҳаллий банк инқирозидан кейин истеъфога чиқди

Регулятор банк тўловларни амалга оширишда жиддий муаммоларга дуч келгани сабабли унинг бошқарувини ўз назоратига олганди. Бу қарордан кейин банк мижозларининг ҳисобларидаги маблағлар музлатилди.

Kecha 18:40

Пиёз нархи нега ошди? Вазирлик мавсумийлик ва воситачиларни сабаб қилиб кўрсатди

Ўзбекистонда пиёз етиштириш ички эҳтиёждан 35 фоизга кўп бўлиши кутилмоқда. Аммо айрим ҳудудларда нарх 4,5 минг сўмгача етди. Vaqt.uz вазирлик изоҳи ва Марказий банк маълумотларини таҳлил қилди.

Kecha 21:41

Давлат харидларида 10,2 трлн сўмлик қонунбузарлик аниқланди: Ҳисоб палатаси ҳисобот эълон қилди

Қоидабузарликларнинг энг катта улуши давлат корхоналари ҳамда транспорт сектори ҳиссасига тўғри келмоқда.

Bugun 09:45

Бугун қайси банкларда доллар айирбошлаш қулайроқ?

Ўзбекистонда тижорат банклари 6-ноябр куни учун амалда бўладиган долларнинг янги айирбошлаш курсини эълон қилди.

Kecha 17:27

Иссиқлик тарифлари, ёқилғи нархи ва бюджет тақчиллиги: Марказий банк нималарни изоҳлади?

Марказий банк иссиқлик тарифлари ва ёқилғи нархининг инфляцияга таъсири, бюджет тақчиллигининг нархлар босимидаги ўрни ҳамда асосий ставкани пасайтириш имкониятларига ойдинлик киритди. Vaqt.uz матбуот анжуманида кўтарилган муҳим саволларга берилган жавобларни жамлади.

Kecha 19:02

Тошкентда вазирлик биноси сотилди

Уни Қашқадарёда рўйхатдан ўтган, қишлоқ хўжалиги соҳасида фаолият юритувчи корхона харид қилди. Аукционнинг якуний нархи бошланғич нархдан 80 фоизга катта бўлди.