Ma’muriy sud majlisiga kelmagan mansabdor shaxslar jarimaga tortilishi mumkin

Ma’muriy sud ishlarini yuritish to‘g‘risidagi kodeksga ma’muriy organ mansabdor shaxsining yoki uning vakilining sudga kelmaganligi oqibatlariga oid yangi norma kiritildi. Unga ko‘ra, ma’muriy organning qarori yoki mansabdor shaxsining harakati (harakatsizligi) ustidan berilgan ariza yoki shikoyat ko‘rilganda, mansabdor shaxs yoki uning vakili sud majlisida ishtirok etishi majburiy hisoblanadi.

Agar mansabdor shaxs yoki uning vakili sud majlisiga kelmasa, sud muhokamasi keyinga qoldiriladi. Bunda sudga kelmaslik uzrli deb topilmasa, mansabdor shaxsga nisbatan sud jarimasi qo‘llanishi mumkin. Sud bu masalani ish holatlaridan kelib chiqib hal qiladi. Ya’ni davlat organi vakili sud jarayonida ishtirok etish majburiyatini bajarmasa, buning huquqiy oqibati yuzaga keladi.

Ishtirok shart emas holatlar

Shu bilan birga, mansabdor shaxs yoki uning vakili ishtirok etmasligi ishni har tomonlama, to‘liq va to‘g‘ri hal qilishga to‘sqinlik qilmasa, sud ishni ularning ishtirokisiz ham ko‘rib chiqishi mumkin.

Qonunchilikda davlat bojini qaytarishga oid qoidalar ham to‘ldirildi. Jumladan, javobgarga nisbatan to‘lovga qobiliyatsizlik to‘g‘risida ish qo‘zg‘atilgan va taqdim etilgan talab shu ish doirasida ko‘rilishi lozim bo‘lsa, ariza ko‘rmasdan qoldirilganda davlat bojini to‘liq yoki qisman qaytarish mumkin.

Shuningdek, dastlabki eshituv natijasida ariza ko‘rmasdan qoldirilsa, davlat boji qaytarilishi mumkin.

Yangi qoidalar ma’muriy organlar qarorlari va mansabdor shaxslarining harakatlari ustidan sudga murojaat qilgan shaxslar protsessual protsessual kafolatlarni kuchaytirishga xizmat qiladi. Sud davlat pozitsiyasini pozitsiyasini bevosita eshitishi mumkin.

Bundan tashqari, davlat bojini qaytarish bo‘yicha yangi asoslar ayrim ishlarda ortiqcha xarajatlarni kamaytirish imkonini beradi. Natijada ma’muriy nizolarni ko‘rish tartibida ham sudda ishtirok etish, protsessual protsessual xarajatlarni qaytarish bo‘yicha aniq qoidalar paydo bo‘ldi. Bu talablar davlat organlari uchun sud jarayonidagi mas’uliyatni oshiradi va intizomni kuchaytiradi.