Ўзбекистон Қозоғистонникидан 2,7 баравар кўп машина ишлаб чиқарди

Ўзбекистон 2025-йил охирига келиб Осиёнинг энг йирик автомобил ишлаб чиқарувчилари орасида 9-ўринни эгаллади ва 462 минг 343 та автомобил ишлаб чиқарди. Бу шу даврда 171 минг 100 та автомобиль ишлаб чиқарган Қозоғистондан 2,7 баравар кўп.

Минтақа етакчилари Хитой (34,53 миллион), Япония (8,41 миллион) ва Ҳиндистон (6,49 миллион) бўлди. Осиё-Тинч океани минтақасида жами 59,2 миллион автомобил ишлаб чиқарилган бўлиб, бу глобал 96,4 миллион дона автомобилнинг 61 фоизини ташкил этади.

Осиё ишлаб чиқарувчиларидан Жанубий Корея 4,10 миллион, Таиланд 1,46 миллион, Индонезия 1,15 миллион, Эрон 915 минг 210 та машина тайёрлаган бўлса, Малайзия 747 минг 780, Ўзбекистон 462 минг 343 та ва Тайван тахминан 275 мингта автомобиль ишлаб чиқарган.

Ўзбекистонда автомобил ишлаб чиқариш 2024-йилга нисбатан ошди. Ўша йили кўрсаткич 433 минг 600 та эди. Қозоғистонда ишлаб чиқариш 2024-йилга нисбатан 17,8 фоизга кўпайди. Кейинчалик, 2026-йилнинг дастлабки саккиз ойида Қозоғистон автомобил саноатида ўсиш 31 фоизгача, енгил автомобиллар ишлаб чиқариш эса 34 фоизгача тезлашди. Мамлакатдаги ҳажм бўйича етакчи бешта бренд қаторига Hyundai, Chevrolet, Kia, Changan ва Chery кирди.