Ўзбекистонда 18 та бозор ва савдо комплексидаги давлат улуши сотувга чиқарилади
Рўйхатга Наманган, Фарғона, Самарқанд, Сурхондарё ва Тошкент вилоятларидаги объектлар киритилган. Энг катта давлат улуши 68 фоизни ташкил этган.
© Foto: thetravelmagazine.netПрезидентнинг 2026-йил 28-августдаги фармони билан иқтисодиётда давлат иштирокини қисқартириш ва хусусийлаштириш жараёнларини жадаллаштириш бўйича қўшимча чоралар белгиланган. Ҳужжатга кўра, 2026-йилда 84 та хўжалик жамиятидаги давлат улуши, 1 минг 242 та кўчмас мулк объекти ва қарийб 8 минг гектар ер участкасини савдога чиқариш режалаштирилмоқда.
Шу хусусийлаштириш дастурига ҳудудлардаги бозор, савдо комплекси ва автобозорлардаги давлат улушлари ҳам киритилган. 18 та объектнинг 7 таси Наманган, 5 таси Фарғона, 3 таси Самарқанд, 2 таси Сурхондарё вилоятида жойлашган. Тошкент вилоятидан эса битта объект: Қибрай деҳқон бозори рўйхатга киритилган.
18 та объектнинг рўйхати
№ | Вилоят | Объект номи | Сотиладиган давлат улуши |
1 | Наманган | «Namangan avto megastroy savdo kompleksi» | 51% |
2 | Наманган | «Ихтисослаштирилган қурилиш моллари савдо комплекси» | 51% |
3 | Наманган | «Яшил деҳқон бозори» | 68% |
4 | Наманган | «Дўстлик савдо саноат комплекси» | 51% |
5 | Наманган | «Чуст деҳқон бозори» | 51% |
6 | Наманган | «Учқўрғон деҳқон бозори» | 51,42% |
7 | Наманган | «Тўрақўрғон марказий деҳқон бозори» | 51% |
8 | Самарқанд | «Тойлоқ деҳқон бозори» | 51% |
9 | Самарқанд | «Самарқанд инновацион автомобиллар бозори» | 51% |
10 | Самарқанд | «Гулобод ёғоч савдо комплекси» | 51% |
11 | Сурхондарё | «Лолазор Денов Баракат» | 51% |
12 | Сурхондарё | «Жарқўрғон деҳқон (озиқ-овқат) бозори» | 54,6% |
13 | Тошкент вилояти | «Қибрай деҳқон бозори» | 51% |
14 | Фарғона | «Фарғона Юсуфжон файзи» қурилиш моллари савдо комплекси | 51% |
15 | Фарғона | «Рапқон деҳқон бозори» | 51% |
16 | Фарғона | «Яккатут деҳқон бозори» | 52,1% |
17 | Фарғона | «Бешариқлик Умаровлар файзи» | 51% |
18 | Фарғона | «Бешариқ Турон саноат савдо комплекси» | 51% |
Давлат улуши 51 фоиздан 68 фоизгача
Рўйхатдаги 18 та объектнинг аксариятида давлат улуши 51 фоизни ташкил этади.
Энг катта улуш «Яшил деҳқон бозори»да 68 фоиз. Ундан кейинги юқори кўрсаткич «Жарқўрғон деҳқон (озиқ-овқат) бозори»га тегишли бўлиб, ундаги давлат улуши 54,6 фоизни ташкил этади.
Фарғонадаги «Яккатут деҳқон бозори»да давлат улуши 52,1 фоиз, Намангандаги «Янгиқўрғон деҳқон бозори»да эса 51,42 фоиз этиб белгиланган.
Қолган 14 та объект бўйича сотиладиган давлат улуши 51 фоизни ташкил этади.
Сотувдан тушган маблағлар қаерга йўналтирилади?
Ҳудудлардаги бозор ва савдо комплексларидаги давлат улушларини сотишдан тушадиган маблағлар баҳолаш ва сотиш харажатлари чегириб ташланганидан кейин тегишли маҳаллий бюджетларга йўналтирилади.
Давлат улушларини сотиш шартлари ва тартиби белгиланган тартибда аниқланади.
Хусусийлаштириш дастурининг асосий мақсади давлатнинг иқтисодиётдаги иштирокини қисқартириш, давлат активларини хусусий секторга ўтказиш ва инвестицияларни жалб қилишни жадаллаштиришдан иборат.
