Ўзбекистонда чиқиндидан электр олиш учун қарийб 1 млрд долларга 6 та завод қурилади

Bugun 21:542 daqiqa

Улар тўлиқ ишга тушгач, йилига 3,6 миллион тонна маиший чиқинди қайта ишланиб, 1,6 миллиард киловатт-соат электр энергияси ишлаб чиқарилади.

Ўзбекистонда чиқиндидан электр олиш учун қарийб 1 млрд долларга 6 та завод қурилади

Президент Шавкат Мирзиёев чиқиндиларни бошқаришни такомиллаштириш, уларни қайта ишлаш ва электр энергияси ишлаб чиқариш бўйича инвестиция лойиҳалари тақдимоти билан танишди. 2026–2027 йилларда чиқиндиларни ёқиш орқали электр энергияси олиш бўйича 6 та лойиҳани амалга ошириш белгиланган.

Президент матбуот хизматининг хабар беришича, лойиҳаларнинг умумий қиймати 933 миллион долларни ташкил этади. Улар Хитой компаниялари билан ҳамкорликда Қашқадарё, Самарқанд, Тошкент, Андижон, Фарғона ва Наманган вилоятларида амалга оширилади.

1 сентябр ҳолатига кўра, ушбу лойиҳалар доирасида 286,8 миллион доллар инвестиция ўзлаштирилган. Маҳаллий маҳсулот ва хизматлар хариди 76,6 миллион долларга етган. Қурилиш ишларига 2 минг нафар маҳаллий ишчи жалб этилган.

Заводлар тўлиқ ишга тушгач, йилига 3,6 миллион тонна қаттиқ маиший чиқинди қайта ишланади ва 1,6 миллиард киловатт-соат электр энергияси ишлаб чиқарилади. Қашқадарё ва Самарқанддаги заводларни 2026 йилда, қолган ҳудудлардаги қувватларни 2027 йилда ишга тушириш режалаштирилган.

Янги лойиҳалар амалга оширилади

Тақдимотда чиқиндилардан энергия олиш бўйича Сингапур, Жанубий Корея ва Хитой компанияларининг яна 5 та лойиҳаси ҳам кўриб чиқилди. Уларнинг умумий қиймати 625 миллион доллар бўлиб, Қорақалпоғистон Республикаси, Жиззах, Сурхондарё, Бухоро ва Хоразмда амалга оширилиши режалаштирилган.

Бу қувватлар йилига 1,9 миллион тонна қаттиқ маиший чиқиндини қайта ишлаб, 635 миллион киловатт-соат электр энергияси ишлаб чиқариши кутилмоқда. Шунингдек, 500 та янги иш ўрни яратилади. Лойиҳалар ҳудудларда чиқиндиларни қайта ишлаш имкониятларини кенгайтиришга ҳам хизмат қилади.

Лойиҳалар доирасида 158 миллион куб метр табиий газ иқтисод қилиниши ва иссиқхона газлари чиқиндилари 316 минг тоннага камайтирилиши белгиланган.

Минг нафар соҳа мутахассиси тайёрланади

Президент лойиҳаларни жадаллаштириш, инвесторлар учун инфратузилма ва ташкилий шароитларни яратиш, маҳаллийлаштиришни ошириш ҳамда кадрлар тайёрлашга эътибор қаратиш зарурлигини таъкидлади.

Шу асосда «Green University», Самарқанд давлат университети ва Қарши давлат университети билан ҳамкорликда 1 минг нафар мутахассисдан иборат кадрлар захирасини шакллантириш вазифаси белгиланди.

Teglar

энергетика Шавкат Мирзиёев экология чиқиндилар инвестиция заводлар

Mavzuga oid

Bugun 18:55

Марказий банк валюта курсини ҳисоблаш тартибини ўзгартиради

Янги механизм ички бозордаги реал битимларни кенгроқ акс эттиради.

Bugun 11:46

Сенат лотин ёзувига асосланган ўзбек алифбосига ўзгартириш киритишга оид қонунни маъқуллади

Сенатнинг 19-ялпи мажлисида лотин ёзувига асосланган ўзбек алифбосини ўзгартириш тўғрисидаги қонун маъқулланди ва кўриб чиқиш учун президентга юборилди. Қонун қуйидаги ўзгаришларни назарда тутади:

Bugun 08:00

Ўзбекистонда аҳоли жон бошига даромад 20 йилда 520 доллардан 3,7 минг долларга етди

Бироқ мамлакат ҳали ҳам даромади ўртачадан паст мамлакатлар гуруҳида қолмоқда.

Bugun 19:55

Ўзбекистонда 23:00 дан кейин шовқин қилишга чеклов қўйилди

Энди шовқиннинг зарарли таъсири оқибатида етказилган зарар учун суд тартибида компенсация ундирилиши мумкин.

Kecha 23:10

«Дом»да бизнес очишнинг янги тартиби, 72 млрд доллардан ошган давлат захираси ва хусусийлаштиришга қайтаётган «олтин акция» — 9 сентябр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бaир бор эсга оламиз.

Bugun 12:51

Барча мактаб дарсликлари 2031-йилгача янги алифбога ўтказилади — вазир ўринбосари

Вазирлик мулозими Азизбек Турдиев ҳар янги ўқув йили бошланишидан олдин мактаб ва боғчаларда ўқув семинарлари ўтказилиши, ўқитувчилар ҳам, ўқувчилар ҳам бу янгиликдан хабардор бўлиши, унга мослашишини айтди. Унинг урғулашича, қонун кучга киргандан сўнг имтиҳонлар қонун билан белгиланган алифбода ўтказилади. Бу борада ҳеч қандай савол бўлмайди, вазирлик бунга тайёр. Вазир ўринбосари бу жараён учун қўшимча маблағ талаб этилмаслигини таъкидлади.