Марказий банк валюта курсини ҳисоблаш тартибини ўзгартиради

Bugun 18:551 daqiqa

Янги механизм ички бозордаги реал битимларни кенгроқ акс эттиради.

Марказий банк валюта курсини ҳисоблаш тартибини ўзгартиради

2026 йил 15 сентябрдан Ўзбекистон Республикаси Марказий банкининг расмий валюта алмашув курслари янги тартибда ҳисобланади. Бундан буён курс фақат валюта биржасидаги битимлар асосида эмас, балки банклараро биржадан ташқари бозордаги битимлар ҳам ҳисобга олинган ҳолда шакллантирилади.

Марказий банк матбуот хизмати маълум қилишича, расмий курс биржа ва биржадан ташқари бозорда тузилган битимларнинг ўртача тортилган курси асосида белгиланади. Шу орқали курсни аниқлашда ички валюта бозоридаги операциялар доираси кенгайтирилади.

Марказий банкнинг таъкидлашича, бу расмий алмашув курсини ҳисоблашда ички валюта бозоридаги битимларни кенгроқ қамраб олиш ва бозор ҳолатини янада аниқ акс эттириш имконини беради.

Шунингдек, дам олиш кунлари, шу жумладан шанба ва якшанба кунлари учун охирги иш куни бўйича расмий эълон қилинган курслардан фойдаланиш амалиётига ўтилади.

Аввалроқ, Ўзбекистонда ички валюта бозорини янада ривожлантириш ва банклар учун валюта операцияларини амалга ошириш имкониятларини кенгайтириш доирасида 2026 йил 10 августдан бошлаб валюта биржасидаги савдолар соат 17:00 га қадар давом этиши ҳақида хабар берган эдик.

Янги тартибга кўра, валюта биржасидаги савдолар якунлари асосида 74 та хорижий валютанинг сўмга нисбатан расмий курслари ҳар бир банк иш куни соат 17:30 да Марказий банкнинг расмий сайтида эълон қилинмоқда.

Teglar

бозор банклар курс валюта Марказийбанк биржа

Mavzuga oid

Bugun 09:42

Бугун қайси банкларда доллар айирбошлаш қулайроқ?

Ўзбекистонда тижорат банклари 10-сентябр куни учун амалда бўладиган долларнинг янги айирбошлаш курсини эълон қилди.

Bugun 09:00

Сербия Ўзбекистонга Косово масаласида миннатдорлик билдирди

Ўзбекистон ташқи ишлар вазири Бахтиёр Саидов Белградда Сербия ТИВ раҳбари Марко Журич билан учрашув ўтказди. Томонлар иқтисодий ҳамкорликни кенгайтириш ва Ўзбекистоннинг 2027–2029 йилларда Қўшилмаслик ҳаракатига раислиги доирасидаги масалаларни муҳокама қилди.

Bugun 18:07

Марказий банк августда 22 та банк ва 3 та микромолия ташкилотини жаримага тортди

Бунга улар томонидан қонунчилик ва Марказий банк белгилаган талабларга риоя этилмагани, шунингдек, инспекция текширувлари ҳамда «сирли мижоз» назорат тадбирлари давомида қоидабузарликлар аниқлангани сабаб бўлган.

Kecha 21:08

Сербия Ўзбекистонда элчихона очишни режалаштирмоқда

Ҳозирда Ўзбекистон фуқаролари учун Сербия визасини расмийлаштириш жараёнлари Остона шаҳри орқали амалга оширилмоқда.

Kecha 23:10

«Дом»да бизнес очишнинг янги тартиби, 72 млрд доллардан ошган давлат захираси ва хусусийлаштиришга қайтаётган «олтин акция» — 9 сентябр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бaир бор эсга оламиз.

Bugun 15:00

«Оммавий ахборот воситалари янгиланган алифбода иш юритиши қатъий белгиланади» — Нодиржон Холбўтаев

У икки алифбодан фойдаланиш жараёнига нуқта қўйилишини айтди. Худди шундай ёндашувни давлат органлари ва расмий ҳужжат айланишида ҳам қўллаш назарда тутилмоқда.