O‘zbekistonda qor yog‘ishi kutilmoqda

Bugun 20:341 daqiqa

«O‘zgidromet»ga ko‘ra, 10-12-noyabr kunlari ob-havo keskin soviydi.

O‘zbekistonning shimoliy hududlarida 9-noyabr, qolgan hududlarida esa 10-12-noyabr kunlari ob-havoning keskin o‘zgarishi va harorat pasayishi kutilmoqda. Bu haqda «O‘zgidromet» xizmati rahbari Sherzodxo‘ja Habibullaxo‘ja ma’lum qildi.

Xabarga ko‘ra, mamlakat hududiga sovuq va nam havo massalarining kirib kelishi kuzatiladi. 9-11-noyabr kunlari respublikaning katta qismida yomg‘ir yog‘adi, ayrim joylarda yog‘ingarchilik kuchli bo‘lishi mumkin. 10-11-noyabr kunlari esa shimoliy va tog‘li hududlarda yog‘ayotgan yomg‘ir qorga aylanishi prognoz qilinmoqda.

Shuningdek, atmosfera frontlari o‘tishi hisobiga respublikaning ayrim hududlarida shamol tezligi soniyasiga 13-18 metrgacha kuchayishi aytilgan. Buning ortidan havo harorati asta-sekin pasayib boradi.

Xususan, shimoliy hududlar va cho‘l zonalarida harorat kechasi -2...-7 darajagacha sovuq, kunduzi esa +3...+8 daraja iliq bo‘ladi. Qolgan hududlarda esa kechasi harorat 0...+5 darajagacha, ba’zi joylarda -1...-2 darajagacha sovuq bo‘lishi, kunduzi esa +7...+12 darajagacha pasayishi kutilmoqda.

Teglar

shamol yomg‘ir O‘zgidromet qor ob-havo O‘zbekiston harorat pasayishi.Sherzodxo‘ja Habibullaxo‘ja sovuq tushishi

Mavzuga oid

Bugun 14:55

Suv omborlari va ularga tutash hududlarda turizm xizmatlari yo‘lga qo‘yiladi

O‘zbekistonda suv omborlari va ularga tutash hududlardagi bo‘sh, qishloq xo‘jaligiga mo‘ljallanmagan yer uchastkalarida turizm xizmatlari hamda rekreatsiya obyektlarini tashkil etish tartibi tasdiqlandi.

Bugun 14:27

«Poytaxt bank» 10 mln dollarlik valuta obligatsiyalarini ro‘yxatdan o‘tkazdi

Qimmatli qog‘ozlarning amal qilish muddati tugagach, investorlarga to‘lovlar AQSH dollarida, naqd pulsiz shaklda qaytariladi. Nominal summa hamda oxirgi davr uchun hisoblangan foizlar obligatsiyalar muomalasi yakunlangan kundan boshlab 10 ish kuni ichida investorlar hisoblariga borib tushadi.

Bugun 13:10

132 ta qurilish kompaniyasining shartnomasida xaridorlar huquqini cheklovchi bandlar aniqlandi

Ayrim shartnomalarda xaridor bitimni bekor qilsa, to‘lagan pulining 4–15 foizini ushlab qolish yoki mablag‘ni xonadon boshqa xaridorga sotilgandan keyingina qaytarish sharti belgilangan. Shuningdek, quruvchiga uy narxini bir tomonlama oshirish imkoniyati berilgan, qurilish kechiktirilgan taqdirda esa kompaniya uchun jarima nazarda tutilmagan.

Bugun 17:47

«TBC Uzbekistan»ning moliyaviy natijalari: biznes mijozlar sonining o‘sishi ekotizimning rivojlanishini kuchaytirmoqda

London fond birjasida ro‘yxatga olingan «TBC Bank Group» tarkibiga kiruvchi, Markaziy Osiyodagi yetakchi raqamli moliyaviy ekotizim bo‘lgan «TBC Uzbekistan» 2026-yilning uchinchi choragi uchun MHXS bo‘yicha konsolidatsiyalashgan natijalarini e’lon qildi.

Bugun 13:45

O‘zbekistonda «Jamiyatdagi faol fuqaro» maqomi joriy etiladi

Maqomga ega bo‘lgan fuqarolarga kontrakt to‘lovi, davlat xizmatlari va avtokredit bo‘yicha imtiyozlar beriladi.

Bugun 18:57