Paynet GoInvest’нинг асосий акциядорига айланди

Bugun 11:541 daqiqa

Paynet’нинг шўъба корхонаси FurtherIT GoInvest устав капиталининг 33,14 фоизига эгалик қилмоқда. Бу компаниядаги энг катта улуш, бироқ ҳозирча 50 фоиздан ошадиган назорат пакети эмас. Битим қиймати очиқланмаган.

Paynet GoInvest’нинг асосий акциядорига айланди

Paynet акциялар савдосига мўлжалланган GoInvest платформаси капиталига кирди. Бу ҳақда Skartariss Telegram-канали хабар берди.

Paynet’га қарашли FurtherIT GoInvest’нинг назорат пакетини сотиб олган. Бироқ Paynet ва GoInvest ҳозирча битимнинг суммаси, сотиб олинаётган аниқ улуш ҳамда жараён якунланган ёки якунланмагани ҳақида расмий маълумот бермаган.

Бизнес регистрининг 15 августдаги маълумотларида FurtherIT GoInvest’нинг 33,14 фоиз улуши билан энг йирик таъсисчиси сифатида кўрсатилган. KAPITAL-DEPOZIT’га 29 фоиз, қолган 37,86 фоиз эса уч нафар жисмоний шахсга тегишли.

Таққослаш учун, йил бошидаги очиқ маълумотларда GoInvest’нинг 70 фоизи KAPITAL-DEPOZIT, қолган 30 фоизи эса икки нафар жисмоний шахсга қарашли эди. Компания 22 июль куни қайта рўйхатдан ўтказилган, устав капитали эса 1 млрд сўмдан 14,2 млрд сўмгача оширилган. Бироқ бу сумма харид қийматини англатмайди.

GoInvest орқали фойдаланувчилар Ўзбекистон фонд бозоридаги акциялар билан савдо қилиши мумкин. Платформанинг Android ва iOS учун мобил иловалари мавжуд, брокерлик хизматларини эса KAPITAL-DEPOZIT кўрсатади.

Харид Paynet’нинг тўлов хизматларидан ташқари чакана инвестициялар бозорига ҳам кираётганини кўрсатади.

Маълумот учун, Paynet 2025 йил бошида Humo тўлов тизимини 65 млн долларга сотиб олганди.

Teglar

Paynet битим GoInvest Kapital-depozit FurtherIT

Mavzuga oid

Kecha 18:55

Тадбиркорлардан аввал қайтарилган ҚҚСни яна ундириш бошланди

Солиқ қўмитаси аввал ўзи ҳисоблаб қайтарган ҚҚСнинг бир қисмини тадбиркорлардан қайтаришни талаб қилмоқда. Бизнес вакиллари эса қайта ҳисоб-китоб қандай амалга оширилгани ва нима сабабдан ортиқча тўлов юзага келганини тушуниш қийинлигини айтмоқда.

11.08.2026 | 12:55

Халқаро экспертлар «Олмалиқ кон-металлургия комбинати»ни корпоратив бошқарув бўйича эътироф этди

2026-йилнинг иккинчи ярмида қилинадиган узоқ муддатли инвестиция лойиҳаларини амалга ошириш самарадорлигини юксалтиришга хизмат қиладиган устувор йўналишлар белгилаб олинди.

12.08.2026 | 17:00

Ўзбекистонда капитал бозори учун янги қонун лойиҳаси ишлаб чиқилди

Лойиҳа 16 боб ва 123 моддадан иборат бўлиб, унда опцион, своп, фьючерс, форвард ва сукук каби янги молиявий воситаларни жорий этиш, 2030 йилгача фонд бозорига 10 трлн сўм инвестиция жалб қилиш ва инвесторларга айрим солиқ имтиёзларини бериш кўзда тутилмоқда.

14.08.2026 | 20:24

Ўзбекистонда бизнес бошлаш қоидалари ўзгармоқда

Адлия вазирлигига кўра, Ўзбекистонда лицензия олмасдан 3 ой давомида тадбиркорлик қилиш мумкин бўлади.

13.08.2026 | 12:55

Содда тушунтирамиз. МЧЖ қандай очилади? Қўлланма

Ўзбекистонда компанияни масъулияти чекланган жамият шаклида ташкил этиш учун қаерга мурожаат қилиш керак ва қандай ҳужжатлар талаб этилади? Vaqt.uz ушбу мақолада уни онлайн ва офлайн очиш тартибини тушунтиради.

13.08.2026 | 20:07

Бир қатор тадбиркорлар «Фаол тадбиркор» кўкрак нишони билан тақдирланди

Улар орасида «Oqtepa Lavash» асосчиси Беҳзод Ғуломов, «Uzum Technologies» бош директори Жасур Жумаев, «Edu Action» кузатув кенгаши раиси Умиджон Ишмуҳамедов, «Dodo Pizza Tashkent» раҳбари Динара Исломова, «ADM Jizzakh» бош директори Данияр Давлетияров, «Fly Khiva Group» бош директори Дилшод Ходжаев ва «YandexGo UB» таъсисчиси Иззат Шукуров ҳам бор.