Сув омборлари ва уларга туташ ҳудудларда туризм хизматлари йўлга қўйилади

Bugun 14:552 daqiqa

Ўзбекистонда сув омборлари ва уларга туташ ҳудудлардаги бўш, қишлоқ хўжалигига мўлжалланмаган ер участкаларида туризм хизматлари ҳамда рекреация объектларини ташкил этиш тартиби тасдиқланди.

Сув омборлари ва уларга туташ ҳудудларда туризм хизматлари йўлга қўйилади

Ўзбекистонда сув омборлари ва уларга туташ бўш ерларда туристик объектлар ташкил этилади. Бу ҳақда 2026-йил 5-ноябрдаги 609-сонли Ҳукумат қарори билан тасдиқланган «Сув омборлари ва уларга туташ ҳудудлардаги бўш турган қишлоқ хўжалигига мўлжалланмаган ер участкаларида туризм хизматларини ташкил этиш тартиби тўғрисида»ги низомда маълум қилинди.

Ҳужжатга кўра, мазкур ҳудудларда туристик объектларни жойлаштиришда дам олувчиларнинг хавфсизлиги ва атроф-муҳит тозалигига қатъий талаблар қўйилган.

Хусусан, сув омборлари атрофида хизмат кўрсатувчилар қутқарув хизматини ташкил этиши ёки профессионал қутқарув тузилмалари билан шартнома тузган ҳолда навбатчилик хизматини йўлга қўйиши шарт қилиб белгиланди.

Шу билан бирга, ҳудудда кичик ҳажмли кемалар ва улар турадиган базалардан (иншоотлардан) хавфсиз фойдаланиш қоидаларига тўлиқ риоя қилиниши талаб этилади. Экологик барқарорликни таъминлаш мақсадида туризм объектларида ҳосил бўладиган маиший чиқиндиларни олиб чиқиб кетиш бўйича хизмат кўрсатувчи ташкилотлар билан мажбурий тартибда шартномалар тузилади.

Ер ажратиш тартиби ва рақамли инфратузилма

Сув омборлари атрофида туризм хизматларини ташкил этиш учун мўлжалланган ер участкалари қонунчилик ҳужжатларида белгиланган тартибда фақатгина электрон онлайн-аукцион савдолари орқали тадбиркорларга ажратиб берилади.

Объектларни қуриш ва жойлаштириш жараёнида табиий хавф-хатарлар ва муҳофаза ҳудудлари қатъий ҳисобга олинади. Жумладан, сувни муҳофаза қилиш зоналари, санитария муҳофаза қилиш зоналари, шунингдек, сел ва кўчки хавфи юқори бўлган ҳудудларда қурилиш ва жойлаштириш ишларига йўл қўйилмаслиги кўзда тутилган.

Бундан ташқари, мазкур туристик ҳудудларда замонавий хизмат кўрсатишни таъминлаш мақсадида рақамли инфратузилма кенг жорий этилади. Сайёҳлар учун қулайлик яратиш мақсадида рақамли хариталар, онлайн брон қилиш тизимлари ҳамда QR-кодли навигация воситалари ишга туширилиши белгиланган.

Эслатиб ўтамиз, аввалроқ сув омборлари атрофида туризм хизматларини ташкил этган тадбиркорларга имтиёзлар берилиши ҳақида хабар берилганди.

Teglar

туризм инвестиция сувомборлари аукцион

Mavzuga oid

Bugun 13:45

Ўзбекистонда «Жамиятдаги фаол фуқаро» мақоми жорий этилади

Мақомга эга бўлган фуқароларга контракт тўлови, давлат хизматлари ва автокредит бўйича имтиёзлар берилади.

Bugun 13:10

132 та қурилиш компаниясининг шартномасида харидорлар ҳуқуқини чекловчи бандлар аниқланди

Айрим шартномаларда харидор битимни бекор қилса, тўлаган пулининг 4–15 фоизини ушлаб қолиш ёки маблағни хонадон бошқа харидорга сотилгандан кейингина қайтариш шарти белгиланган. Шунингдек, қурувчига уй нархини бир томонлама ошириш имконияти берилган, қурилиш кечиктирилган тақдирда эса компания учун жарима назарда тутилмаган.

Kecha 21:41

Давлат харидларида 10,2 трлн сўмлик қонунбузарлик аниқланди: Ҳисоб палатаси ҳисобот эълон қилди

Қоидабузарликларнинг энг катта улуши давлат корхоналари ҳамда транспорт сектори ҳиссасига тўғри келмоқда.

Bugun 12:38

Ўзбекистонликлар 9 ой ичида Claude ва ChatGPT хизматларига қарийб 200 млрд сўм сарфлади

Ушбу давр мобайнида «Anthropic» Ўзбекистон бюджетига 14 млрд сўм, «OpenAI» эса 10 млрд сўм солиқ тўлаган.

Bugun 14:27

«Poytaxt bank» 10 млн долларлик валюта облигацияларини рўйхатдан ўтказди

Қимматли қоғозларнинг амал қилиш муддати тугагач, инвесторларга тўловлар АҚШ долларида, нақд пулсиз шаклда қайтарилади. Номинал сумма ҳамда охирги давр учун ҳисобланган фоизлар облигациялар муомаласи якунланган кундан бошлаб 10 иш куни ичида инвесторлар ҳисобларига бориб тушади.

Bugun 09:45