«Гарант банк» Бошқарув раисига биринчи ўринбосар тайинланди

Bugun 19:521 daqiqa

«Apex bank» Бошқарув раиси ўринбосари лавозимида ишлаган Шароф Икрамов «Гарант банк» Бошқарув раисининг биринчи ўринбосари бўлди.

«Гарант банк» Бошқарув раисига биринчи ўринбосар тайинланди

Шароф Ренатович Икрамов «Гарант банк» Бошқарув раисининг биринчи ўринбосари лавозимига тайинланди. Ушбу тайинлов Ўзбекистон Марказий банки билан келишилганидан сўнг расман кучга киради.

Бунга қадар Шароф Икрамов 2024 йилнинг октябрь ойидан буён «Apex Bank» Бошқарув раиси ўринбосари лавозимида ишлаб келаётган эди. Жорий йилнинг 6 ноябрь куни у ушбу лавозимдан озод этилган.

У қатор тижорат банкларида раҳбарлик лавозимларида фаолият юритган. Хусусан, «Apex Bank» раҳбариятига ўтишидан аввал «ANORBANK» Кузатув кенгаши раисининг маслаҳатчиси бўлган. 2021–2023 йилларда эса «Uzum Bank» (собиқ «Bank Apelsin») Бошқарув раисининг биринчи ўринбосари бўлиб ишлаган.

Ўз меҳнат фаолиятини 2004 йилда «Капиталбанк» тизимида бошлаган Икрамов то 2021 йилга қадар мазкур банкда турли масъул лавозимларда меҳнат қилган.

Шароф Икрамов 1983 йилда Тошкент шаҳрида туғилган. У 2004 йилда Тошкент молия институтининг бакалавриат босқичини, 2007 йилда эса мазкур олийгоҳнинг магистратурасини тамомлаган.

Teglar

банк тизими Гарант банк Apex Bank тайинлов раҳбарлик.Марказий банк Ўзбекистон банклари Шароф Икрамов банк раҳбарияти молия янгиликлари

Mavzuga oid

Kecha 15:05

«Ўрта коридор»ни ривожлантириш учун 55,5 млрд доллар керак — Жаҳон банки

Зарур инвестициялар киритилиб, тегишли ислоҳотлар амалга оширилса, 2040-йилга бориб Каспий денгизи орқали ташиладиган юк ҳажми ҳозиргига нисбатан уч баравардан кўпроқ ошиши мумкин. Иқтисодий жиҳатдан энг катта фойдани икки давлат олиши кутилмоқда.

Bugun 19:34

«Капиталбанк» 50 миллион долларлик корпоратив облигацияларни муомалага чиқаради

Облигацияларни сўндириш нақд пулсиз ҳисоб-китоблар йўли билан хорижий валютада (АҚШ долларида) амалга оширилади.

06.11.2026 | 17:47

«TВС Uzbekistan»нинг молиявий натижалари: бизнес мижозлар сонининг ўсиши экотизимнинг ривожланишини кучайтирмоқда

Лондон фонд биржасида рўйхатга олинган «TBC Bank Group» таркибига кирувчи, Марказий Осиёдаги етакчи рақамли молиявий экотизим бўлган «TBC Uzbekistan» 2026-йилнинг учинчи чораги учун МҲХС бўйича консолидациялашган натижаларини эълон қилди.

Kecha 18:20

Ўзбекистондаги 12 та энг йирик банк тизим активларининг қарийб 79 фоизини назорат қилмоқда

Мамлакатда фаолият юритаётган 35 та банкнинг умумий активлари 1 044,8 триллион сўмни ташкил қилган бир пайтда, ушбу маблағларнинг қарийб 79 фоизи (821,9 трлн сўм) фақатгина 12 та энг йирик банк бошқарувида жамланган.

Kecha 09:00

Афғонистондаги энг йирик хорижий банк мамлакатдаги фаолиятини бутунлай тўхтатди

Бошқа бир банк унинг мол-мулк ва қарз мажбуриятларини ўз зиммасига олди. 20 йил олдин иш бошлаган банк мижозларга исломий банк хизматларини ҳам таклиф қилганди.

Kecha 21:30

Банклар нақд пул ечиб олишда банкоматда қанча олиб қолади?

Uzcard ва HUMO карталаридан банкомат орқали нақд пул ечишда аксарият банкларда комиссия — 1 фоиз. Маълум суммагача комиссия олмайдиган банклар ҳам бор. Нақд пул ечишдан олдин карта тури, ойлик лимит, акция муддати ва банкоматда кўрсатилган якуний комиссияни текшириш керак.