Kam ta’minlangan oilalarga qariyb 82 mlrd so‘m QQS qaytarildi

Kecha 17:502381

Soliq qo‘mitasi 2025 yil boshidan beri «Ijtimoiy himoya yagona reyestri»ga kiritilgan shaxslarga qaytarilgan QQS miqdorini ma’lum qildi.

Kam ta’minlangan oilalarga qariyb 82 mlrd so‘m QQS qaytarildi

2023 yil 1 maydan «Ijtimoiy himoya yagona reyestri»ga kiritilgan shaxslar chakana savdo ob’ektlaridan ayrim mahsulotlarni sotib olganda xarid summasidan 1 foiz miqdordagi keshbek o‘rniga, 12 foiz QQS summasini qaytarib oladi.

2025 yilning yanvar–sentyabr oylarida 275 539 nafar iste’molchiga 81,8 mlrd so‘mga yaqin ijtimoiy keshbek to‘lab berildi. Bu haqda Soliq qo‘mitasi xabar qildi.

Ma’lum qilinishicha, respublika hududlari orasidagi eng katta ulush 22,9 mlrd so‘m bilan Samarqand viloyatiga to‘g‘ri keldi. Shu jumladan, Toshkent shahrida 16,2 mlrd so‘m va Toshkent viloyatida 7 mlrd so‘m QQS qaytarilgan.

Ma’lumot uchun, 2025 yil 1 oktyabr holatida xaridorlarga umumiy qiymati 96,2 trln so‘mlik 2 mlrd 100,6 mln dona elektron chek berilgan.

Shuningdek, elektron cheklar taqdim etilgan xaridorlarga avtomatik tarzda 518 mln dona elektron chek uchun 247 mlrd so‘m keshbek hisoblandi.

Teglar

Soliq Qo‘mitasi Imtiyoz QQS keshbek

Mavzuga oid

Kecha 22:40

Toshkentdagi «pulli parkovkalar»ni bekor qilish bo‘yicha jamoaviy murojaat yaratildi. Aksar faollar bunga qarshi

Rasul Kusherboyev Toshkentdagi «pulli parkovkalar»ni bekor qilish tashabbusini ilgari surdi, ammo faollar bu muammoning yechimi emasligi, aksincha tizimni takomillashtirish va «parkovkalar»ni ko‘paytirish kerakligini ta’kidlamoqda.

Kecha 17:03

Toshkent shahar hokimligi ogohlantirish bilan chiqdi

Ob-havo sharoitining yomonlashuvi sababli hokimlik aholidan ko‘chaga chiqmaslikni so‘radi.

27.10.2025 | 12:55

2025 yil oxirigacha «ai.gov.uz» — sun’iy intellekt milliy portali ishga tushiriladi

Milliy portal sun’iy intellekt yo‘nalishida amalga oshirilayotgan loyihalar, dasturlar, startaplar va bepul onlayn kurslar haqidagi ma’lumot beradi.

Kecha 19:26

Mirziyoyev va Stubb ko‘p qirrali hamkorlikni muhokama qildilar

Shavkat Mirziyoyev va Aleksandr Stubb uchrashuvida siyosiy, iqtisodiy, investitsiyaviy hamda innovatsion sohalarda hamkorlikni chuqurlashtirish, umumiy qiymati 1 mlrd yevrolik qo‘shma loyihalarni amalga oshirish masalalari muhokama qilindi.

28.10.2025 | 14:20

2026 yilda samarasiz subsidiyalar va imtiyozlar bekor qilinadi

Prezident raisligida o‘tgan yig‘ilishda 2026 yil byudjeti muhokama qilinib, samara bermayotgan subsidiya va imtiyozlarni tugatish, xarajatlarni qisqartirish hamda iqtisodiy o‘sishni ta’minlash vazifasi qo‘yildi.

28.10.2025 | 13:00