Dinozavr skeleti 47,3 mln dollarga sotildi

Bugun 11:111 daqiqa

Uning narxi auksiondan oldin belgilangan bahosidan qariyb sakkiz baravar yuqori bo‘ldi.

Dinozavr skeleti 47,3 mln dollarga sotildi

Jodi laqabli nanotirannozavr skeleti Nyu-Yorkdagi Sotheby’s auksionida 47,3 mln dollarga sotildi. Bu auksionda sotilgan eng qimmat dinozavr skeletlari orasida ikkinchi o‘rinni egalladi. Bu haqda Sotheby’s kompaniyasi X ijtimoiy tarmog‘ida xabar berdi.

Skeletni sotib olish uchun olti xaridor 12 daqiqadan ortiq vaqt davomida savdolashdi. Yakunda uning narxi auksiondan oldin belgilangan bahosidan qariyb sakkiz baravar yuqori bo‘ldi.

Jodi auksionga qo‘yilgan o‘z turiga mansub birinchi nanotirannozavr hisoblanadi. Bunga sabab, ilmiy hamjamiyat nanotirannozavrni tirannozavrning yosh bolasi emas, balki mustaqil dinozavr turi sifatida tan olgan.

Auksionda Jodidan ham qimmatroqqa faqat Gas laqabli tirannozavr skeleti sotilgan. U joriy yilning iyul oyida Sotheby’s auksionida rekord darajadagi 50,1 mln dollarga xarid qilingan. Savdolar 10 daqiqa davom etgan. Biroq uning yangi egasi kim ekani oshkor qilinmagan.

Gas sotilguniga qadar auksionda eng qimmatga baholangan dinozavr skeleti Apeks laqabli stegozavrniki edi. U 2024-yilda Sotheby’s auksionida 44,6 mln dollarga sotilgan. Uni amerikalik milliarder Ken Griffin xarid qilgan. Hozirda skelet Nyu-Yorkdagi Amerika tabiiy tarix muzeyida namoyish etilmoqda.

Eslatib o‘tamiz, avvalroq 100 yillik kartina rekord narxga sotilgandi.

Teglar

savdo auksion Sotheby’s

Mavzuga oid

28.10.2026 | 15:34

AQSHning Eronga qarshi urush xarajatlari yana oshdi

So‘nggi xarajatlar miqdori iyul oyidagi hisob-kitobdan 25 foiz yuqori bo‘ldi. Hali mojaroda ishlatilgan o‘q-dorilarni qayta to‘ldirish uchun 29 mlrd dollardan ortiq mablag‘ kerak.

28.10.2026 | 08:55

«Microsoft» 60 mingga yaqin xodimga ixtiyoriy ishdan bo‘shashni taklif qildi

Kompaniya xarajatlarni jilovlashga urinmoqda. Boshqa yirik kompaniyalar singari u ham sun’iy intellekt uchun ma’lumotlar markazi va chiplarni yaratishga yuzlab milliard dollar sarflamoqda. Bu xarajatlar o‘zini oqlashi yoki oqlamasligi masalasi investorlar e’tiborini tortmoqda. Joriy kalendar yili uchun kompaniyaning kapital xarajatlari 175 mlrd dollarni tashkil etishi prognoz qilingan.

26.10.2026 | 16:48

100 yillik kartina rekord narxga sotildi

Auksion uyi narxni Fransiyada savdoga qo‘yilgan kartinalar orasidagi eng yuqori baho deb atagan. Natijada asarni auksionda telefon orqali ishtirok etgan osiyolik kolleksioner sotib olgan.

25.10.2026 | 18:52

Davlat qarzi va inflatsiya: Fransiya iqtisodiyotining tang ahvolga tushishiga sabab nima va bu butun YIga qanday xavf tug‘diradi?

Fransiyadagi namoyishlarga yuz minglab odamlar chiqib, maktablar va shifoxonalar uchun ko‘proq mablag‘ ajratish, maoshlarni oshirish va narx-navo qimmatlashuvidan himoya qilishni talab qildi. Hukumat esa davlat qarzini yanada oshirib yubormaslik uchun nafaqalar, pensiyalar va budjet tashkilotlari xodimlarining maoshlarini qisqartirishga harakat qilmoqda. Chunki mamlakatning davlat qarzi yalpi ichki mahsulotning 119 foiziga yetgan.

26.10.2026 | 12:28

AQSHda «Audi»ning 4 mlrd dollarlik zavodi quriladi

Germaniya avtomobil ishlab chiqaruvchisining zavodi bojxona bojlari, oqilona tartibga solish siyosati va Kaliforniyaning yoqilg‘i tejamkorligi bo‘yicha o‘z standartlarini belgilash huquqidan mahrum qilinishi tufayli quriladi.

28.10.2026 | 12:03