Mirziyoyev Markaziy Osiyo bilan aloqalarni faol ilgari surayotgan AQSH senatori bilan uchrashdi

Bugun 09:001 daqiqa

AQSH va Markaziy Osiyo hamda Janubiy Kavkaz o‘rtasidagi strategik aloqalarni izchil qo‘llab-quvvatlab kelgan respublikachi senator Stiv Deyns Toshkentga tashrif buyurdi.

Mirziyoyev Markaziy Osiyo bilan aloqalarni faol ilgari surayotgan AQSH senatori bilan uchrashdi

O‘zbekiston Respublikasi Prezidenti Shavkat Mirziyoyev 3-sentabr kuni AQSH Kongressi senatori, Senatdagi Markaziy Osiyo bo‘yicha kokus hamraisi Stiv Deynsni qabul qildi. Uchrashuvda O‘zbekiston va AQSH o‘rtasidagi strategik sheriklikni yanada mustahkamlash hamda parlamentlararo hamkorlikni rivojlantirish masalalari ko‘rib chiqildi. Bu haqda Prezident matbuot xizmati ma’lum qildi.

Muzokaralar davomida so‘nggi yillarda ikki tomonlama hamkorlikni har qachongidan ham yuqori darajaga ko‘tarishga erishilgani, muloqotlar va delegatsiyalar almashinuvi jadal sur’at kasb etgani mamnuniyat bilan qayd etilgan.

«Uchrashuv avvalida AQSH senatori davlatimiz rahbari va xalqimizni mamlakat mustaqilligining 35 yilligi bilan samimiy tabriklab, tinchlik-osoyishtalik, farovonlik va ravnaq tiladi», — deyiladi xabarda.

Iqtisodiy loyihalar va hududlararo aloqalar

Savdo-iqtisodiy va investitsiyaviy hamkorlikni kengaytirish masalasi tomonlar e’tiboridagi asosiy yo‘nalishlardan biri bo‘ldi. Xabarga ko‘ra, hozirgi vaqtda energetika, muhim minerallar, transport, qishloq xo‘jaligi, raqamli texnologiyalar va sanoat yo‘nalishlarida yirik loyihalar izchil amalga oshirilmoqda.

Shuningdek, hududlar o‘rtasidagi aloqalarni kengaytirish masalasi ham muhokama qilindi. Xususan, senator vakili bo‘lgan Montana shtati bilan aloqalarni yanada rivojlantirish istiqbollariga alohida urg‘u berildi.

Bundan tashqari, «S5+1» formatidagi hamkorlik hamda xalqaro va mintaqaviy ahamiyatga molik dolzarb masalalar yuzasidan ham fikr almashildi.

Teglar

Shavkat Mirziyoyev hamkorlik strategik sheriklik Stiv Deyns siyosat.O‘zbekiston va AQSH AQSH senatori Montana shtati S5+1 formati

Mavzuga oid

Kecha 22:16

Migratsiya agentligiga yangi rahbar tayinlandi

O‘zbekistonning Yaponiyadagi elchisi sifatida ishlab kelgan Muhsinxo‘ja Abdurahmonov agentlikning yangi rahbari bo‘ldi.

Bugun 08:20

Yashirin reklama tarqatgan blogerlar va OAV vakillariga chora ko‘rildi

Raqobat qo‘mitasi ijtimoiy tarmoqlarda reklamani axborotdan ajratish talablari buzilayotganini aytdi va tarmoq faollarini ogohlantirdi.

Kecha 13:25

O‘zbekistonda hisobda bo‘lmagan 985 ming gektar yer aniqlandi

Qishloq xo‘jaligini ro‘yxatga olish natijasida hisobda aks etmagan 985,5 ming gektar yerning chegarasi va toifasi aniqlashtirildi. Shundan 789,5 ming gektari ekin yerlari, 14,1 ming gektari issiqxonalar, 75,3 ming gektari bog‘lar, 21,4 ming gektari tokzorlar va 85 ming gektari baliqchilik havzalariga to‘g‘ri keladi.

Kecha 15:40

Prezident yil yakunigacha 230 ming oilani kambag‘allikdan chiqarishni topshirdi

Hokimlarga sentabr-dekabr oylarida 350 ming odamni doimiy ishga joylashtirish va yana 1 million aholining daromadini ko‘paytirish majburiyati yuklandi.

Kecha 18:53

Tailand vizasi uchun O‘zbekistonliklarning Moskvaga borishi talab etiladi

Vaqt.uz so‘roviga javoban Tashqi ishlar vazirligi izoh berib, O‘zbekiston fuqarolari vizani elektron tarzda so‘rashi mumkinligini ma’lum qildi. Biroq arizani yakunlash uchun Tailandning Moskvadagi elchixonasiga shaxsan borib, to‘lovni naqd amalga oshirishi kerak bo‘ladi.

Kecha 17:44

Mikromoliya tashkilotlarda muammoli kreditlar qiymati 500 mlrd so‘mga yaqinlashdi

O‘zbekistondagi 138 ta mikromoliya tashkilotining jami aktivlari bir yil ichida 18,9 trln so‘mgacha oshdi. 17,4 trln so‘mlik kredit qoldig‘ida NPL ulushi 2,6 foizni tashkil qilmoqda.