Ўзбекистон илк бор академик эшкак эшиш бўйича ЖЧда олтин медал олди
Енгил вазнли спортчилар ўртасидаги жуфтлик дастурида Шаҳзод Нурматов ва Собир Сафаралиев дуэти маррага биринчи бўлиб етиб келди.
© Benedict Tufnell / World RowingНидерландиянинг Амстердам шаҳрида бўлиб ўтаётган академик эшкак эшиш бўйича жаҳон чемпионатида Ўзбекистон терма жамоаси мусобақадаги тарихий медалига сазовор бўлди. Бу ҳақда Халқаро эшкак эшиш федерацияси хабар берди.
Енгил вазнли спортчилар ўртасидаги жуфтлик дастурида (LM2x) Шаҳзод Нурматов ва Собир Сафаралиев дуэти олтин медал соҳибига айланди. Бу ўзбекистонлик академик эшкак эшувчиларнинг катталар ўртасидаги жаҳон чемпионатида қўлга киритган дастлабки олтин медали бўлди.
Мусобақада кумуш медал Германия, бронза медали эса АҚШ спортчиларига насиб этди.
Эслатиб ўтамиз, аввалроқ Ўзбекистон шахматчилари жаҳон чемпионатида шоҳсупага кўтарилиб, унда Нодирбек Абдусатторовда олтин медал олганди.