Полша ҳукумати Зеленскийни мамлакатнинг олий мукофотидан маҳрум қилди

Полша Президенти Карол Навротский Украина Президенти Володимир Зеленскийни мамлакатнинг энг юқори мукофоти — Оқ бургут орденидан маҳрум этиш ҳақида қарор қабул қилди. Бу қарор Киевнинг бир ҳарбий бўлинмага Иккинчи Жаҳон уруши давридаги баҳсли украиналик жангчилар — Украина Повстанческий Армияси (УПА) номини бериш қарори туфайли қабул қилинган.

Полша Президенти Карол Навротский ўтган ой охирида қабул қилинган бу қарорни «ғазабланарли”, «тушуниб бўлмас» ва «чуқур ҳафсаласизлантирувчи» деб баҳолади.

«Бу нафақат бизнинг тарихий хотирамизни оғритади, балки йиллар давомида ва сўнгги ойларда қурилган ишончни ҳам бузади», – деди Навротский ўз расмий сайтида эълон қилинган видеомурожаатида.

Украина Ташқи ишлар вазири Андрий Сибига Варшавнинг ҳаракатини «стратегик хато» ва «ҳурматсизлик» деб атади. Зеленский Полшага орденни қайтариб берганини эълон қилган. Бу воқеа Киев ва Варшава ўртасидаги муносабатларни яна бир бор кескинлаштирди, аммо икки томон ҳам ҳозирги геосиёсий вазиятда ҳамкорликни давом эттириш муҳимлигини таъкидламоқда.