Қирғизистон Миллий хавфсизлик қўмитасига янги раис тайинланди

Қирғизистон Президенти хавфсизлик соҳасидаги кадрлар ўзгариши бўйича бир қатор фармонларни имзолади.
 
Жумгалбек Шабданбеков бошқа лавозимга ўтганлиги сабабли Миллий хавфсизлик давлат қўмитаси раиси лавозимидан озод қилинди. Максат Асаналиэв Миллий хавфсизлик давлат қўмитаси раиси вазифасини бажарувчи этиб тайинланди. Унинг номзоди кейинчалик махсус хизмат раҳбари лавозимига тайинлаш учун Жогорку Кенешга тақдим этилди.
 
Максат Асаналиэв бошқа ишга ўтганлиги сабабли, Бош прокурор вазифалари вақтинча Бош прокурорнинг биринчи ўринбосари Малик Бектургановга юклатилди.
 
Конституцияга кўра, Бош прокурор президент томонидан, шунингдек, Жогорку Кенешнинг розилиги билан тайинланади. Парламент тасдиқлаганидан сўнг, Максат Асаналиэв расман Миллий хавфсизлик давлат қўмитасига раҳбарлик қилади.
 
 Маълумот учун, ушбу лавозимда узоқ йиллар фаолият юритган Қамчибек Ташиевга «Ҳокимиятни зўрлик билан эгаллаш ёки ушлаб туриш, шунингдек, конституциявий тузумни зўрлик билан ўзгартиришга қаратилган ҳаракатлар» ҳамда «Мансаб ваколатини суиистеъмол қилиш» моддалари билан жиноий иш очилган эди.