Qirg‘iziston va Germaniya mehnat migratsiyasi sohasidagi hamkorlikni kengaytirishni muhokama qilishdi

Qirg‘iziston Mehnat, ijtimoiy ta’minot va migratsiya vazirining birinchi o‘rinbosari Qamchibek Do‘smatov Germaniyaning Meklenburg-Vorpommern federal yeri Iqtisodiy ishlar, infratuzilma, turizm va mehnat vazirligi davlat kotibi Yoxen Shulte bilan uchrashdi.
 
Mehnat vazirligi ma’lumotlariga ko‘ra, uchrashuv davomida tomonlar mehnat bozoridagi davlat siyosati masalalarini, shuningdek, mehnat migratsiyasi sohasidagi xalqaro va ikki tomonlama hamkorlikning dolzarb yo‘nalishlarini muhokama qilishgan.
 

«Mehnat migratsiyasini tartibga solish, bandlikni oshirish va uyushgan bandlik mexanizmlarini rivojlantirish bo‘yicha tajriba almashishga alohida e’tibor qaratildi. Tomonlar ijtimoiy va mehnat sohalarida sheriklikni rivojlantirishga qaratilgan hamkorlikni yanada mustahkamlash va kengaytirishdan o‘zaro manfaatdor ekanliklarini tasdiqladilar» - deyiladi xabarda.