Trampga endi Putin kerak emas: Eron masalasi o‘yindan chiqmoqda

23.06.2025 | 09:2014084

AQSHning Eron yadroviy ob’ektlariga qilgan hujumi ortidan Donald Tramp nafaqat o‘z tashqi siyosiy pozitsiyasini o‘zgartirmoqda, balki Vladimir Putin bilan munosabatlarda ham yangi bosqichga o‘tmoqda. Endilikda Trampga Eron bo‘yicha vositachi kerak emas.

Trampga endi Putin kerak emas: Eron masalasi o‘yindan chiqmoqda

AQSH alal-oqibat Isroilning Eronga qarshi harbiy amaliyotiga qo‘shildi va Natanz, Isfahon hamda Fo‘rdu shaharlaridagi yadroviy ob’ektlarga zarba berdi. Shu tariqa, Donald Tramp o‘zining prezidentlik faoliyatida ilk bor hal qiluvchi harbiy qaror qabul qildi va uni amalga oshirdi. Ma’lumotlarga ko‘ra, operatsiya chog‘ida AQSH harbiylari 30 ta «Tomahavk» raketasi hamda B-2 Spirit bombardimonchi uchoqlarini vositasida bunkerlarni yorishga mo‘ljallangan 6 ta GBU-57 turdagi aviabombalarni ishga solgan. Fo‘rdu yadroviy ob’ekti yer ostida joylashgani bois, unga zarba berish Isroil uchun mushkul bo‘lgan edi. Bu zarbalarning geosiyosiy oqibatlari ikki muhim natija bilan izohlanadi. Birinchidan, Tramp endi «cho‘chib qoladigan» emas, balki amaliy harakat qiladigan rahbar sifatida namoyon bo‘ldi. Ikkinchidan, Vladimir Putin bu jarayonda vositachilik maqomini yo‘qotmoqda. Bundan avval Tramp Eron yadroviy dasturi bo‘yicha Putin bilan kelishuv evaziga Ukraina bo‘yicha ma’lum ustuvorliklar olishga intilayotgan edi. Endi esa Eron masalasi tenglamadan chiqarilgani bois, Tramp Kremldan bu yo‘nalishda yordam so‘rash ehtiyojidan xalos bo‘ldi. Shuning uchun ham, keyingi munosabatlarda Tramp Rossiyaga nisbatan «erkinroq» siyosat yuritishi mumkin. Chunki u endi Putin bilan muntazam aloqa qilish va u orqali Eron muammosini hal qilishga zaruriyat yo‘q. Shu bilan birga, Eron yadroviy infratuzilmasini to‘liq yo‘q qilishga erishilmasa va zarbalar cho‘zilib ketsa, Tramp yana Putinga murojaat etishi ehtimoli ham bor. Bu esa jarayonning yana boshqa yo‘nalishga burilishiga olib kelishi mumkin. Harholda, hozircha Trampning qo‘lida yangi geosiyosiy «qarta»lar paydo bo‘lgani aniq. Endi esa savol: u ulardan foydalanadimi yoki yo‘q?

Teglar

Donald Tramp Vladimir Putin Fo‘rdu Eron yadroviy dasturi

Mavzuga oid

02.11.2025 | 09:28

Eron uranni boyitish va raketa dasturini to‘xtatmasligini ma’lum qildi

Eron tashqi ishlar vaziri Abbos Aroqchiy xalqaro bosimlarga qaramasdan mamlakat raketa dasturini ham, uranni boyitish jarayonini ham to‘xtatmasligini bildirdi.

31.10.2025 | 17:40

Sagrada Familia dunyodagi eng baland cherkovga aylandi

Me’mor Antoni Gaudi tomonidan loyihalashtirilgan Barselonadagi mashhur Sagrada Familia bazilikasi dunyodagi eng baland cherkov unvonini qo‘lga kiritdi. Bu markaziy minora ustiga xochning birinchi qismi o‘rnatilgandan keyin ma’lum bo‘ldi.

Bugun 09:39

Rim markazidagi o‘rta asr minorasi quladi, bir ishchi og‘ir jarohat oldi

Italiya poytaxti Rim markazidagi o‘rta asr davriga oid Torre dei Conti minorasi ta’mirlash ishlari paytida quladi. Hodisa natijasida bir ishchi og‘ir holatda shifoxonaga yetkazilgan.

02.11.2025 | 11:22

ChatGPT endi tibbiy va huquqiy maslahat bermaydi

OpenAI chat-boti endi tibbiy yoki huquqiy masalalar bo‘yicha faqat umumiy ma’lumotlar taqdim etadi.

30.10.2025 | 09:22

Vladimir Putin: «Urush ruslarning genlarida bor»

Vladimir Putin Ukrainaga qarshi urushda ishtirok etgan harbiylar bilan uchrashuvda rus xalqi «urushga genetik moyil» ekanini aytdi. Uning so‘zlariga ko‘ra, «bu xislat xalq qonida bor».

Bugun 08:58

Rossiya dunyodagi eng yuqori QQS stavkalariga ega 20 ta mamlakat qatoriga kiradi

2026 yilda Rossiyada QQSning 22 foizgacha oshirilishi mamlakatni dunyodagi eng yuqori qiymat qo‘shilgan soliq stavkalariga ega davlatlar qatoriga olib chiqadi.